The Definitive Guide to Living in the Capital , Cairo , Egypt

أفلام
Ready or Not

فيلم Ready or Not: قرايب العريس طيبين… بس عاوزين يقتلوا العروسة

Ready or Not رعب سامارا ويفر كوميدي
  • آدم بورديسامارا ويفر...
  • رعب
  • مات بيتنلي أوبلن
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Ready or Not: قرايب العريس طيبين… بس عاوزين يقتلوا العروسة

دايمًا بنكتشف حاجات كتير ما نعرفهاش عن أهل العريس أو العروسة بعد الجواز، بس في Ready or Not بطلة الفيلم “جرايس” اللي بتقوم بدورها “سامارا ويفر” هتكتشف إن أهل العريس عاوزين يقتلوها!

قصة Ready or Not معتمدة على فكرة العروسة اللي بتكتشف في بداية تعاملها مع أهل جوزها إن عندهم عادة غريبة، وهي صيد وقتل الناس على سبيل الرياضة! الموضوع في الأول بيبان قدامها إنه هزار، لكن هتكتشف مع الوقت إنه حقيقة، وبتقرر تصمد وتحاول تهرب وتحافظ على حياتها لحد آخر لحظة، فياترى هيحصل لها إيه؟!

على الرغم من إن الفكرة دموية ومخيفة، لكن مخرجين الفيلم “مات بيتنلي أولبين” و “تايلر جيليت” قدروا يصيغوا ده في إطار من الكوميديا الممزوجة بالرعب، ووظفوا القصة توظيف جيد، علشان يدوا للمشاهدين جرعة مكس رعب وكوميديا بشكل يخليهم يضحكوا في عز مشهد مرعب، أو يخافوا في عز مشهد كوميدي! وهو ده سر إعجاب قطاع كبير من المشاهدين بأفلام الرعب الكوميدية.

الأداء التمثيلي لـ “سامارا ويفر” كان جيد. وقدرت إنها تجسد شخصية البنت “المغفلة” اللي مش عارفة إيه اللي مستخبي ليها، وأزاي شخصيتها بتتغير مع تغير الأحداث.

لكن لازم ننصح المشاهدين اللي ناويه تدخل الفيلم إنها مش لازم تاخد الأحداث بجدية كبيرة وتركز في التفاصيل، وده لإن الفيلم معتمد على المزج بين الكوميديا والأكشن بشكل يدي انطباع فانتازي عن الأحداث، بالتالي السيناريو مش لازم يكون متسق على مدار الأحداث.

الديكورات والإضاءة ساعدت على إننا ندخل في جو الفيلم، والسيناريو نفسه كان متوازن، لكن حسينا إننا كان المفترض نختصر مشاهد البداية شوية، وندخل في الأحداث علطول، خاصةً إننا عارفين الخيوط العامة للقصة من التريلر.

Ready or Not فيلم جيد لو هاتشوفه بالإطار الصحيح.. فيلم مرعب مع شوية كوميديا.. أو فيلم كوميدي مع شوية رعب!

عجبك ؟ جرب

 فيلم Mayhem

نصيحة 360

مش لازم تاخدوا الأحداث بجد وبتركيز في التفاصيل، لإن الفيلم فانتازي

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح