The Definitive Guide to Living in the Capital , Cairo , Egypt

أفلام
Reprisal

فيلم Reprisal: السهل الممتنع

أفلام بروس ويلز ريفيو سينما سينمات القاهرة فيلم أكشن نقد أفلام
  • بروس ويليسجوناثون شيك...
  • حركة ومغامرات
  • براين أ. ميلر
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Reprisal: السهل الممتنع

على الرغم من أن كتير من الأفلام بيكون لها أبعاد سياسية أو إنسانية أو اجتماعية، إلا أن الهدف الأسمى – من وجهة نظرنا – في أي فيلم هي عنصر التسلية أو المتعة. وفي رأينا أن الفيلم مهما كان مهم ومؤثر، لو مش مسلي وقادر على شغل وقت فراغ المشاهدين، هنعتبره فيلم ضعيف وغير جيد.

صناع فيلم Reprisal كانوا عارفين النقطة دي كويس جدًا ولعبوا عليها علشان يقدموا لنا فيلم يخطفنا من أول مشهد لآخر مشهد. حتى لو كانت قصته مكررة أو شوفناها في أعمال تانية قبل كده.

Reprisal بيحكي عن مدير بنك بيستعين بجاره الضابط السابق، علشان يوقعوا مجرم متخصص في سرقة البنوك، وقادر على تنفيذ سرقاته باحترافية بحيث يدخل الشرطة في حلقات مفرغة من البحث عنه بلا جدوى. لكن مع تعقبهم له بتبدأ اللعبة تأخذ منحنى أكثر إثارة وخطورة. مش عاوزين نحرق لكم الأحداث أكتر من كده.

على الرغم من أن القصة مكررة ومافيهاش أي مفاجآت أو أحداث غير متوقعة، إلا أن المخرج براين إي. ميلر قدر يقدم لنا سلسلة من الأحداث المتتابعة والقوية والمفهومة بشكل جيد من البداية للنهاية، بالتالي ما حسناش بأي ضعف أو تكرار في القصة.

من الأمور المميزة كمان في الفيلم، السيناريو الواضح وسهل الفهم. والحقيقة أن برايس هامونز المؤلف قسم الفيلم لثلاث أقسام أساسية، وقدر يضع في نهاية كل فصل منهم اللي يخلينا مشدودين للمتابعة للنهاية بدون ملل.

على الرغم من تقدم بروس ويلز في السن (٦٣ سنة) إلا أنه قدر يقدم دور قوي ومميز، والحقيقة أن ده من الأمور اللي تحسب له، وقدرته على التكيف مع أي دور يقوم به مش أمر جديد عليه. ويلز قام قبل كده ببطولة مجموعة من أفلام الأكشن لا يمكن ننساها زي سلسلة Red و The Expendables وغيرها من الأعمال.

فرانك جريلو في دور جاكوب قدم دور مميز في الفيلم واللي فيها كتير من المجهود والحركة، وفرانك من الفنانين اللي بدأ يتجه مؤخرًا للمشاركة في أفلام حركة زي فيلم The Purge: Election Year واللي يعتبر من أفضل أفلام الحركة اللي شوفناها في الفترة الأخيرة.

خلاصة كلامنا عن Reprisal  أنه هيعجبكم جدًا لو كنتم من محبي أفلام الحركة والمتعة والفهم السهل. أما لو بتحبوا الأفلام اللي فيها مفاجآت أو التواءات في السيناريو أو أهداف أبعد من المتعة والانسجام. مش هيكون الفيلم الأفضل بالنسبة لكم.

علشان تبقى عارف: عرض الفيلم لأول مرة في ٣١ أغسطس الماضي في الولايات المتحدة الأمريكية.

عجبك ؟ جرب

Atomic Blonde

نصيحة 360

تقييم الفيلم على موقع IMDB هو ٤.٣ من ١٠

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح