-
برايس دالاس هواردتاتي دونفان...
-
إستعراضيدراما
-
ديكستر فليتشر
-
في1 Cinema
Mohamed Hamdy
من أكتر الحاجات اللي بتعجبنا في أفلام السيرة الذاتية اللي بتنتجها هوليود، هي الصراحة الشديدة اللي بيتم تقديم الشخصيات بيها. على عكس الأعمال العربية، اللي بتقدم الأشخاص أحيانًا كأنهم ملايكة مش بيغلطوا.
فيلم Rocketman بيتتبع حياة السير ألتون جون، واحد من أعظم الموسيقيين في أنجلترا والعالم. وإزاي اكتشف موهبته وقدر يطورها. ومراحل النجاحات والفشل في حياته، اللي وصله في بعض الأحيان لمحاولة الانتحار.
“تارون إيجرتون” قدر يلعب شخصية ألتون جو بشكل جيد جدًا. وركز على تجسيد الروح أكتر من تجسيد الشكل الخارجي. وساعده على ده بشكل صحيح، الكتابة المُخلصة لـ “لي هول”، مع إخراج قوي من “ديكستر فليتش”.
عجبنا كمان في الفيلم إبراز الحياة الشخصية لإلتون جون بكل ما فيها، من تعقيدات، ومشاكل وحياة غير طبيعية، بتفرضها عليه أضواء الشهرة.
الموسيقى والأغاني لعبت دور جميل جدًا مع الديكورات، علشان تخلي كل مشهد حالة منفصلة بذاتها. وممكن المشاهدين يلاقوا نفسهم بيبكوا في بعض المشاهد، ويضحكوا في مشاهد تانية. بشكل يخليهم ما يحسوش بزمن الفيلم.
