The Definitive Guide to Living in the Capital , Cairo , Egypt

على الرغم من ضعف القيمة الفنية لبعض الأفلام اللي بنشوفها، لكن مجرد قدرة الفيلم على دفعنا على مشاهدته من البداية للنهاية بدون الشعور بالملل ده بيعتبر إنجاز بحد ذاته، ولما بنوصل للحالة دي بنسأل نفسنا هل المطلوب من الفيلم مجرد تسلية المشاهدين وعدم إحساسهم بالزهق ولا فيه أسباب تانية؟ تعالوا نتكلم أكتر عن فيلم S.M.A.R.T. Chase.

القصة

فيلم S.M.A.R.T. Chase بيحكي عن رجل أمن خاص بيُطلب منه تأمين قطعة أنتيكات صينية قديمة بيتم نقلها لخارج شنغهاي، لكن الأمور بتتعقد لما بيحاول مجموعة من الأشخاص سرقتها، وبندخل في سلسلة لا تنتهي من المغامرات والمطاردات ومشاهد الأكشن المعقدة.

فريق العمل

الفيلم من إخراج تشارلز مارتن وتأليف كيفين بيرنهاردت وبطولة أورلاندو بلوم ولي وو وسيمون يام وهانا كوينليفان وليين هانج وجينج ليانج.

الأداء التمثيلي

الأداء التمثيلي للأبطال كان بيدور في نطاق من مقبول الى جيد، وبشكل عام كان مطلوب من أبطال الفيلم أنهم يقدموا أداء مرتبط بالأكشن والحركه والمطاردات أكتر من ارتباطه بقوة الأداء التمثيلي نفسه، علشان كده نقدر نقول أن الأداء التمثيلي كان جيد في حدود منطقة الأكشن والحركة.

السيناريو والحوار والإخراج

سيناريو الفيلم امتاز بأنه بسيط الفهم ومافيش ألغاز فيه، كمان زي ما قولنا مافيش ملل من الأحداث أو المطاردات خاصة بالنسبة لمحبي النوعية دي من الأفلام، لكن على صعيد تاني حوار الفيلم كان ضعيف والجمل الحوارية كانت محتاجة تكون أفضل وأقوى.

الديكورات والموسيقى والأزياء

الفيلم كان مميز على صعيد الديكورات والموسيقى التصويرية بشكل كبير، كمان حركة الكاميرا السريعة وتكنيك التصوير، كل الأمور دي تصب في صالح الفيلم وتدل على أن إخراج الفيلم كان قوي ومش عاوز يقدم فيلم عادي أو مستهلك.

الخلاصة

فيلم S.M.A.R.T. Chase من نوعية الأفلام اللي مش هتسيب المشاهدين لحظة واحدة للشعور بالملل، وننصح بمشاهدته للكل محبي أفلام الحركة والمطاردات.

علشان تبقى عارف: أورلاندو بلوم اتخرج من مدرسة جيلدهول للموسيقى والدراما وقدم أدوار صغيرة قبل ما يبدأ في تقديم أدوار كبيرة زي دوره في Unlocked و S.M.A.R.T. Chase.