The Definitive Guide to Living in the Capital , Cairo , Egypt

أفلام
Salma’s Big Wish

فيلم Salma’s Big Wish: نظرة مختلفة للتفكك الأسري

Salma's Big Wish دينو أندرادي سوزانا بايستروس كريستينا ميليسا
  • آلان أسترادادينو أندرادي...
  • كارتون
  • كارلوس خويترس ميدرانو
تم التقييم بواسطة
Mohamed Hamdy
قيم
قيم الآن
فيلم Salma’s Big Wish: نظرة مختلفة للتفكك الأسري

حلوة أفلام الانيميشن اللي بيكون لها أكتر من هدف، هدف بسيط على قد عقول الأطفال اللي بتتفرج، وهدف أكبر للفئات العمرية الأكبر اللي بتتفرج على الفيلم، وهو ده اللي بيحاول فيلم Salma’s Big Wish يقدمه للمشاهدين.

فيلم Salma’s Big Wish بيحكي عن بنت صغيرة بتحاول وبتسعى طول الوقت إنها تلاقي أي أثر لأهلها اللي كل اللي تعرفه عنهم إنهم سابوها وهي صغيرة، وفي مرحلة معينة بتيأس من البحث عنهم، لحد ما بتكتشف قدرة جديدة بتخليها تقدر تعمل حاجات مكانتش تحلم بيها، إيه هي القدرة دي؟ ويا ترى هتستخدمها ازاي؟ هو ده اللي بنعرفه في أحداث الفيلم.

الفيلم بيسلط الضوء بشكل غير مباشر على مشاكل التفكك الأسري وازاي المفروض الأهل يكونوا مع أولادهم  بشكل مستمر علشان نفسيتهم تكون أفضل، وفي الحقيقة عجبتنا رسالة الفيلم اللي ممكن متكونش واضحة لكل المشاهدين، لكن هتوصل للي عاوز يدور على اللي وراء كل مشاهد من المشاهد.

مستوى الرسومات وتحريك الشخصيات على الشاشة كان للأسف ضعيف، وده ممكن يخلي الأطفال اللي بيتفرجوا على الفيلم يتضايقوا من نمط تحرك الشخصيات وظهورها على الشاشة، كمان مكانش فيه تنوع في الألوان أو تغيرات كبيرة فيها، وللأسف كمان كانت الإضاءة المنخفضة مسيطرة على جزء طويل من الفيلم وده يعتبر من أهم عيوبه.

أما الأداء الصوتي لـ “كريستينا ميليسا” و”سوزانا بايستروس” و”دينو أندرادي” وباقي أبطال الفيلم فكان جيد ومنسجم مع شكل الشخصيات على الشاشة بشكل يخلينا قادرين على المتابعة بدون ملل.

عجبك ؟ جرب

Coco

نصيحة 360

صعب نقول إن Salma's Big Wish هو أفضل فيلم أنيميشن نشوفه، لكنه فيلم جيد ويستحق المشاهدة، خاصة من الفئات العمرية الأكبر شوية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح