مع انخفاض حرارة الجو والطقس البارد اللي بنعاصره الأيام دي، بنفتكر أجواء الكريسماس والثلوج وحالة المرح والجو العائلي اللي بتصاحب الأيام دي، وهي دي النقطة الأساسية اللي بيلعب عليها الفيلم الفرنسي البلجيكي Christmas & Co.
القصة
فيلم Christmas & Co بيحكي عن سانتا كلوز اللي بيجد نفسه في مهمة علشان ينقذ مناسبة الكريسماس من الضياع. المهمة اللي بتاخده لسلسلة طويلة من الأحداث الكوميدية واللي فيها جو مغامرات لا ينتهي.
فريق العمل
الفيلم من تأليف وإخراج آلان شبات، ومن بطولته بالاشتراك مع جولشفتي فرحاني وبيو مارماي وبرونو سانشيز وأودري توتو.
الأداء التمثيلي
لو هنصنف الفيلم كفيلم مغامرات عائلي بيجمع أفراد العيلة لمشاهدته في ليلة باردة، في الحالة دي ممكن نقول أن الأداء التمثيلي كان جيد، لكن لو هنقيم الفيلم بناء على اللي كنا نتوقعه منه هيكون الأداء التمثيلي من وجهة نظرنا محتاج كتير من التعديل. لكن في النهاية إحنا بنميل لمشاهدة الفيلم كعمل كوميدي خفيف المطلوب منه إضحاك المشاهدين خاصة الفئات اللي سنها صغير.
السيناريو والحوار والإخراج
سيناريو الفيلم واضح ومفهوم، والحوار كان عليه العبء الأكبر فيما يتعلق بالجرعة الكوميدية في الفيلم، وكون مؤلف الفيلم هو مخرجه وهو بطله في نفس الوقت وضع على عاتقه مسئولية كبيرة وللأسف ماقدرش (ألان شبات) إنه يقوم بالمسئولية الملقاه عليه بشكل جيد فخرج الفيلم قوي على مستوى التمثيل لكن ضعيف إخراجيًا، خصوصًا مع محاولة توظيف بعض الخدع السينمائية اللي كان مستواها مش جيد.
الديكورات والموسيقى والأزياء
ديكورات الفيلم كانت متوسطة، وكذلك مستوى الموسيقى التصويرية والأزياء واللي حسينا أنها كانت محتاجة ميزانية أعلى وأفضل من حيث الإنتاج. لكن زي ما قولنا لو وضعنا الفيلم في خانة الفيلم المسلي في فترات الأعياد، في الحالة دي ممكن يكون مستوى الفيلم جيد ومناسب.
الخلاصة
فيلم Christmas & Co عائلي فكاهي بننصح بمشاهدته مع كل أفراد العيلة خاصة مع موجة البرد اللي بنتعرض لها.
علشان تبقى عارف:
الفيلم له اسم ثاني هو Christmas & Co.
أكتب تقييم
مقترح
معالم وسياحة
90 دقيقة من القاهرة.. أجمل 7 أماكن في الفيوم هيغيروا موودك
أجمل أماكن الفيوم الفيوم +4
تسوق
