The Definitive Guide to Living in the Capital , Cairo , Egypt

  • جوزيف ليجون تشو...
  • غموض وتشويق
  • أنيش تشانجانتي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Searching: جاري التحميل

في عالم بيعتمد على الكمبيوتر والإنترنت بشكل مستمر، بحيث أصبحت حياتنا بالكامل معتمدة على مجموعة من مواقع التواصل الأجتماعي والملفات المخزنة على السيرفرات العملاقة. فيلم Searching بيلفت نظر كل العائلات اللي عندها أبناء في سن المراهقة والشباب لحاجات مهمة.

فيلم Searching بيحكي عن أب (بيقوم بدوره جون تشو) بيكتشف غياب بنته الوحيدة اللي بتقوم بدورها ميشيل لا. الأمر اللي بيدفعه لمحاولة استكشاف الكمبيوتر الشخصي الخاص بها بنفسه علشان يحاول يوصل لأي دليل على مكان اختفائها.

طوال الوقت (جون) كان بيقول لنفسه أنه عارف بنته كويس وعارف هي بتعمل إيه وبتقابل مين كويس. ومع الوقت بيبدأ يكتشف أنه ثقته العمياء ومعرفته ببنته كانت في غير محلها، وإنه بالفعل مش عارف بنته كانت بتفكر في إيه وبتتصرف إزاي.

الفيلم بطريقة غير مباشرة بيلفت نظر الأهل علشان يهتموا أكتر بأبنائهم ويعطوهم من وقتهم ومجهودهم.

المميز في الفيلم إن المخرج والمؤلف آنيش شاجانتي التزم بتصوير الفيلم بالكامل تقريبًا من خلال شاشة لابتوب (ماك) بتدور الأحداث من خلاله، سواء مكالمات التليفون أو عمليات البحث عبر الأنترنت أو حتى مشاهدة مقاطع مصورة على يوتيوب أو الجهاز اللي عليه الملفات. والحقيقة إن دي حاجه مش مبتكرة وشوفناها في أفلام تانيه زي Unfriended وغيرها لكن لا تزال من الحاجات الغير مستخدمة بكثرة كنمط تقديم أفلام.

Searching فيلم قدر يوظف ميزانيته القليلة من خلال الذكاء في التصوير والبراعة في المونتاج واستخدام جوانب قوة القصة علشان يقدم لنا صناع الفيلم في النهاية فيلم بيحترم ذكاء المشاهد وبيقدم له جرعة متوازنة من التشويق والإثارة.

علشان تبقى عارف: جون تشو بطل الفيلم من مواليد كوريا الجنوبية وشارك قبل كده في أعمال زي Star Trek Beyond وIn good company.

عجبك ؟ جرب

Unfriended

نصيحة 360

تقييم الفيلم على موقع IMDB هو ٧.٩ من ١٠

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح