The Definitive Guide to Living in the Capital , Cairo , Egypt

أفلام
Shakira In Concert: El Dorado World Tour

فيلم Shakira In Concert: الحقيقة وراء حفلات شاكيرا

El Dorado Shakira In Concert: El Dorado World Tour جيمس ميريمان شاكيرا
  • شاكيرا
  • إستعراضيوثائقي
  • جيمس ميريمان
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Shakira In Concert: الحقيقة وراء حفلات شاكيرا

ممكن نحبها أو لأ، لكن لا يمكن ننكر إن “شاكيرا” تعتبر واحدة من أشهر وأقوى المطربات وراقصات الاستعراض في عصرنا الحالي، البنت الكولومبية اللي قدرت تشق طريقها من خلال رحلة كفاح طويلة علشان تتحول لأيقونة موسيقية عالمية بيتابعها الملايين، والنهارده فيلم Shakira In Concert: El Dorado World Tour بياخدنا في جولة حقيقية بالكاميرا في كواليس واحدة من أشهر جولاتها الفنية.

فيلم Shakira In Concert: El Dorado World Tour بيتميز بإنه مش مجرد فيلم موسيقي فيه مجموعة من الأغاني بتتعرض ورا بعضها وخلاص، هو بياخدنا في رحلة مصورة خلف الكواليس لحياة شاكيرا أثناء واحدة من أشهر الجولات الفنية اللي قامت بيها في حياتها، واللي كان الهدف منها الترويج لآخر ألبوماتها الفنية اللي بيحمل اسم “El Dorado”.

الفيلم مش بس بيصور شاكيرا على المسرح أو بين الجمهور، لكنه كمان بيصورها في الكواليس وأثناء الإعداد لجولتها العالمية، وحتى في لحظات ضعفها وانكسارها، كل ده علشان اهتمام المخرج والمؤلف “جيمس ميريمان” بإنه يقدم عمل حقيقي وصادق وبيعبر عن الفنانة اللي بيصورها بجد بعيد عن زهوة الأضواء وبريق الشهرة.

الجميل في الفيلم كمان إنه بيقدم لنا مجموعة جميلة من أحلى أغاني شاكيرا في عصرها الذهبي، ومحبي الموسيقى اللي بتقدمها شاكيرا وأغانيها بشكل عام هيحسوا بالنوستالجيا مع كل أغنية بتشتغل قدامنا.

عجبك ؟ جرب

Amy

نصيحة 360

الفيلم غنائي استعراضي بيقدم لنا مجموعة جميلة من أحلى أغاني شاكيرا، فلو كنتم مش مهتمين بالموسيقى اللاتينية، أو مش بتحبوا شاكيرا بشكل عام يبقى أكيد Shakira In Concert: El Dorado World Tour مش هيكون الفيلم المناسب لكم.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح