The Definitive Guide to Living in the Capital , Cairo , Egypt

للأسف الشديد أفلام السوبر هيروز بقت نسخ مكررة من بعضها. بنحس وأحنا بنشوفها أن كلها بنفس الـ Format. واللي بيحصل أن المخرج بيقعد مع الممثلين والمؤلف، ويقدموا فيلم جديد على نفس الشاكلة.

Shazam! بيحكي عن مراهق خسر والدته في سن صغير. وبيعيش حياته يتنقل من أسرة للتانية. لكن حياته بتتغير لما بيتعرف بشكل سحري على رجل عجوز، بيخليه يملك قوى خارقة بمجرد مايقول كلمة (شازام).

المميز في الفيلم كان جرعة الكوميديا المكثفة، اللي بنشوفها على مدار الأحداث كلها تقريبًا. الكوميديا اللي قللت بشكل كبير من شعورنا برتابة الأحداث.

حتى على صعيد المؤثرات الخاصة اللي بتميز أفلام السوبر هيروز، الفيلم ماكنش على قد المستوى. يمكن كان مقبول في مشهد الصراع النهائي. لكن حسينا أنه أطول من اللازم. وبشكل عام زمن الفيلم طويل.

أما من حيث المميزات، حسينا أن الفيلم بيسلط الضوء على قيم الأسرة. كمان بيقدم مشاهد إنسانية بتختلط فيها الكوميديا بالدراما بشكل جميل. ودي حاجات قدمها أبطال الفيلم بشكل جيد. حتى تقديم شرير الفيلم (الدكتور سيفانا) تم بشكل جيد. وكان شرير جدير بالفيلم فعلًا، على عكس ما بنشوف في أفلام تانيه كتيرة.

باختصار لو كنتم  متابعين تقليديين لأفلام الأبطال الخارقين، فيلم Shazam! هيعجبكم. وماتنسوش طبعًا تشوفوا المشاهد الإضافية بعد التتر.