The Definitive Guide to Living in the Capital , Cairo , Egypt

على الرغم من انتشار الأفلام الكوميدية بشكل كبير مؤخرًا، لكن نادرًا لما بنقول أننا أمام فيلم قوي ومميز على الصعيد الكوميدي.

لكن snatched قدر يكسر القاعدة ويقدم لنا كوميديا مميزة وتستحق المشاهدة.

القصة

فيلم Snatched بيحكي عن امرأة بتعيش حياة عاطفية مفككة، خاصة لما بيهجرها حبيبها وبيتركها وحدها. علشان كده بتضطر تذهب لرحلة للإكوادور مع والدتها، لكن الرحلة اللي كان المفترض تكون من أفضل رحلات حياتها بتتحول لكابوس لما بتتعرض للخطف، مع سلسلة لا تنتهي من المواقف الكوميدية من أول مشهد ولأخر مشهد.

فريق العمل

الفيلم من إخراج جوناثان ليفين، ومن تأليف كاتي ديبولد، ومن بطولة جولدي هاون وإيمي شومر وكريستوفر ميلوني وكولين كوين.

الأداء التمثيلي

الأداء التمثيلي لكل أبطال الفيلم كان أكتر من رائع، لكن طبعًا بطلة الفيلم الأولى والأخيرة هي إيمي شومر. وكان أدائها التمثيلي متميز لأنها لم تعتمد على جسدها مثلًا علشان تقدم مشاهد كوميدية، لكنها قدرت تقدم خليط من المواقف الكوميدية مع الحوار المتميز علشان تقدم لنا في النهاية كوميديا تليق بالمشاهدة.

السيناريو والحوار والإخراج

سيناريو الفيلم اعتمد على توزيع الكوميديا بالتساوي على كل مشاهد الفيلم من البداية للنهاية. علشان كده لم نشعر بالملل أبدًا، وتنوعت الكوميديا ما بين كوميديا معتمدة على المواقف، أو المعتمدة على الحوار اللي اتكتب بذكاء رائع، لكن يعيبه بعض التلميحات الجنسية اللي كانت غير موظفة بشكل جيد.

الديكورات والموسيقى والأزياء

الموسيقى والأزياء لم يكن لها دور كبير في أحداث الفيلم، لكن اختيار أماكن التصوير والمشاهد بين عناصر الطبيعة خاصة في النصف الأول من الأحداث كان له عامل كبير في حبنا للفيلم واستمتاعنا بمشاهده المختلفة.

الخلاصة

فيلم snatched تجربة كوميدية مميزة وجميلة وتستحق المشاهدة في السينما.

علشان تبقى عارف:

تقييم الفيلم 3.9 من 10 على موقع IMDB من أصل تصويت 13000 مستخدم للموقع.