The Definitive Guide to Living in the Capital , Cairo , Egypt

أفلام السوبر هيروز بتتشابه طوال الوقت. عندنا دايمًا بطل عنده قدرات خارقة، وشرير عاوز يدمر أو يسيطر على العالم، ورسالة بيحاول الفيلم يوصلها، وهو ده اللي بيشتغل عليه فيلم Spider-Man: Far from Home بشكل واضح وصريح.

فيلم Spider-Man: Far from Home بيحكي عن بيتر باركر اللي بيقرر ياخد إجازة بعد نهاية مهمته الأخيرة. وفي نفس الوقت يستغل الوقت ده، علشان يعيش حياته الرومانسية بشكل صحيح. لكن إجازته بتتقطع علشان فيه خطر كبير بيهدد العالم كله.

سيناريو الفيلم كان ممتع لكن قابل للتوقع. يعني مافيش أي مفاجآت. كل الأحداث نقدر نتوقعها بمجرد حدوثها. لكن اللي حسن الأمور شوية، الأداء التمثيلي الجيد من “توم هولاند”، “زندايا” وباقي أبطال الفيلم

من الحاجات الأساسية اللي ميزت الفيلم مستوى المؤثرات الخاصة الاحترافي. ومن الواضح أن الفيلم تم تحديد ميزانية ضخمة جدًا لإنتاجه. وده واضح في الشكل النهائي للفيلم.

لو هانقيم الفيلم على أساس الأبطال الخارقين وخلاص، لازم نقول إن الفيلم مش عاجبنا. علشان قدرتنا على توقع كل الأحداث من البداية للنهاية، وشعورنا ببعض الملل. لكن لو اعتبرنا أن الفيلم بيمهد لسلسلة أحداث وأفلام جديدة، في الحالة دي يستحق ياخد فرصة تانية.