The Definitive Guide to Living in the Capital , Cairo , Egypt

  • بيل نايجيما أرتيرتون...
  • كارتونكوميدي
  • بن سميث
تم التقييم بواسطة
Mohamed Hamdy
قيم
قيم الآن
فيلم Stardog And Turbocat: السوبر هيرو المرة دي… كلب

الأفلام اللي بتحكي عن الأشخاص اللي عندهم قدرات خارقة بقت كتيرة ومالية السينمات، لكن المميز في فيلم Stardog And Turbocat إنه بيحكي لنا عن كلب بيتحول لـ “سوبر هيرو”، والجميل إن صناع الفيلم قدروا يتناولوا القصة بشكل مميز فعلًا.

الفيلم بيحكي عن الكلب “بادي”، واللي قام بالأداء الصوتي لشخصيته”نيك فورست”، وبيتم إطلاقه للفضاء، في رحلة يبدو إن مفيش رجوع منها، لكن”بادي” بيقدر يرجع للأرض تاني بعد 50 سنة، علشان يكتشف إن الحب بين البشر والحيوانات انتهى! ومن هنا بيبدأ رحلة في اكتشاف قدراته الخارقة اللي حصل عليها بعد رحلته الفضائية، وكمان علشان يقدر يرجع لصاحبه القديم.

بادي هيتعاون في رحلته دي مع قط قام بالأداء الصوتي له “لوك إيفانس”، وعنده هو كمان قدرات خارقة بتفكرنا بـ “بات مان”، وهيحصل ما بينهم مواقف كوميدية ودرامية كتير.

 

الجميل في Stardog And Turbocat إنه يعتبر التجربة الطويلة الأولى لمخرجه ومؤلفه “بن سميث” وده خلاه يجرب حاجات كتير جديدة ومختلفة، حتى طريقة رسم الشخصيات وحركتها على الشاشة كانت جميلة ومختلفة وجذابة للعين ومافيهاش تصنع، لكن عند مرحلة معينة في الفيلم تمنينا لو كانت الإضاءة أقوى شوية، وتنوع الألوان يكون أكبر، علشان يخلق حالة من الإبهار للعين، خصوصًا للأطفال.

الأداء الصوتي لأبطال الفيلم “بيل ناي” و”نيك فروست” و”لوك إيفانز” وباقي الأبطال كان جيد جدًا، وقدروا يقدموا الأداء المناسب لشكل كل شخصية مرسومة شوفناها على الشاشة.

بصفة عامة بنرشح الفيلم للمشاهدة في السينما، وسواء كان معاكم أطفال أو هتتفرجوا بنفسكم عليه، أكيد هتنبسطوا!

عجبك ؟ جرب

Bolt

نصيحة 360

فيلم Stardog And Turbocat مش أحسن فيلم أنيميشن شوفناه مؤخرًا، لكنه تجربة تستحق الاهتمام، وصالح للمشاهدة للكبار والصغار.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح