The Definitive Guide to Living in the Capital , Cairo , Egypt

أفلام
Step Up: Year Of The Dance

فيلم Step Up: Year Of The Dance: نسخة “صيني” من Step Up

Step Up: Year Of The Dance
  • جون يوجيد شاينوويث...
  • إستعراضي
  • رون يوان
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Step Up: Year Of The Dance: نسخة “صيني” من Step Up

مجرد لما بنسمع أن فيلم جديد من سلسلة Step Up أصبح متاح في السينمات، بنعرف علطول إيه اللي مستنينا. قصة متماسكة مع استعراضات مستمرة ورقص من نوع محترف جدًا مع إبهار بصري رائع. لكن للأسف اللي شوفناه في Step Up: Year Of The Dance كان أقل بكتير من توقعاتنا.

فيلم Step Up: Year Of The Dance يعتبر استكمال لسلسلة أفلام Step Up اللي بتدور في غالبها في أمريكا. لكن في الجزء الجديد بنشوف النسخة الصينية من نفس السلسلة. وفي البداية كنا بنتوقع نفس المستوى من الرقص والاستعراض لكن اللي شوفناه كان عكس كده.

في Step Up: Year Of The Dance بنشوف أداء تمثيلي ضعيف. وحسينا في كتير من مشاهد الفيلم أن الانفعالات على وجوه أبطال الفيلم جامدة ومش بتتغير بتغير الأحداث. لكن مين قال أننا بنتفرج على سلسلة Step Upعلشان الأداء التمثيلي أصلًا؟!

حتى على صعيد الموسيقى والرقص والاستعراض مستوى الفيلم كان أقل من توقعاتنا. وبشكل عام إيقاع الفيلم كان أقل بكتير من الأجزاء السابقة من السلسلة.

هل معنى كده أن مافيش أي إيجابيات في الفيلم؟ هنكون ظالمين لو قولنا كده. وبعض الاستعراضات في الفيلم كانت قوية وحسينا أننا عاوزين نحرك جسمنا مع الإيقاع. لكن عدد الاستعراضات القوية كان قليل مقارنة بالمستوى العام للفيلم.

Step Up: Year Of The Dance ممكن يعجب محبي أفلام الرقص والاستعراض بشكل عام. أما مجانين سلسلة Step Up اللي بيستنوا كل جزء جديد بفارغ الصبر هيحسوا أن الجزء الجديد من السلسلة “صيني” بجد!

عجبك ؟ جرب

سلسلة Step Up

نصيحة 360

الفيلم بيتعرض تحت اسم تاني هو Step Up China

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح