The Definitive Guide to Living in the Capital , Cairo , Egypt

أفلام
The Goldfinch

فيلم The Goldfinch: ياريته كان مسلسل

The Goldfinch أنسيل إيل جورت جون كرولي نيكول كيدمان
  • أنيورين بارناردجيفري رايت...
  • دراما
  • جون كرولي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Goldfinch: ياريته كان مسلسل

على الرغم من إن الرواية اللي تم اقتباس فيلم The Goldfinch منها هي واحدة من الروايات الشهيرة، وعلى قائمة الـ Best Seller لأكثر من ٣٠ أسبوع تقريبًا، إلا إننا قررنا ما نقرأش الرواية قبل ما نشوف الفيلم.

السبب الأساسي لرغبتنا دي هي إننا نتفرج على الفيلم كعمل فني قائم بذاته، ومنتج متكامل الأركان، وبالتالي نحكم عليه على هذا الأساس، ومن هنا نقدر نقول إن الفيلم كان ناجح، لكن في الحقيقة في ناس كتير على الإنترنت وفي مواقع نقد الأفلام بتخالفنا الرأي، وبنتوقع إن رأيهم وارد جدًا يكون قائم على مقارنة بين الرواية والفيلم.

The Goldfinch بيحكي عن “ثيوديكر” اللي قام بدوره “أنسيل إيل جورت” واللي بينجو من انفجار متحف في أمريكا، لكن بيخسر والدته في التفجير، وبتبدأ حياته بتتغير 180 درجة، ومش هنقدر نتكلم أكتر من كده عن الأحداث علشان ما نحرقهاش.

الأداء التمثيلي لكل أبطال الفيلم كان جيد، ومنهم “نيكول كيدمان” اللي عندها القدرة إنها تطوع نفسها وتتقن وتتقمص أي دور بتقوم بيه بشكل أكثر من رائع، لكن مشكلة الفيلم الحقيقية كانت بعيدة عن التمثيل.

المشكلة الحقيقية من وجهة نظرنا كانت في الأحداث اللي كانت محتاجة تاخد وقتها علشان توصل لنا بشكل أفضل، وفي رأينا لو كان الفيلم عبارة عن مسلسل من 3 أو 5 حلقات كان هيكون أفضل بكتير من حالة الاستعجال اللي شوفناها، على الرغم من إن زمن عرض الفيلم حوالي ساعتين ونصف.

ولأن المخرج “جون كرولي” كان قدامه وقت محدود يقدم فيه قصته، ده أثر على الأداء التمثيلي لأبطال الفيلم نفسهم، علشان كده بنقول إن الممثلين أدائهم كان جيد لكن توظيفهم في مساحة الدور المضطربة دي كان اختيار مش مناسب.

عجبك ؟ جرب

The Art of Racing in the Rain

نصيحة 360

The Goldfinch فيلم جيد ومتماسك ومفهوم بدون الحاجة لقراءة الرواية، لكن لو اتعاد تقديم الرواية على شكل مسلسل قصير، بنعتقد إن النتيجة هتكون أفضل بكتير.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح