The Hustle
فيلم The Hustle: يا نساء العالم.. انصبوا على الرجالة
ان هاثاواي تخطيط جريمة حرامي ريبيل ويلسون كوميديا مغامرة نصبالمسيرة الفنية لنجمة هوليود “ريبيل ويلسون” تعتبر تكرار مستمر لنفس التيمات اللي بتقدمها في معظم أفلامها. والغريب إننا لحد دلوقتي مش بنزهق من التكرار ده، لأنها قادرة طوال الوقت على أعادة تقديم الإيفيهات الكوميدية بطرق مختلفة، مهما كانت قديمة.
في The Hustle بنشوف “ريبيل ويلسون” بتلعب شخصية نصابة متمرسة في النصب على الرجال. لكن بسبب بعض التعقيدات في عمليتها، بتضطر تسافر فرنسا. وهناك بتتعرف على “آن هاثاواي” النصابة المحترفة، اللي بتاخد عمليات النصب الخاصة بها لمستوى جديد ومختلف تمامًا.
الكوميديا اللي بتقدمها “ريبيل ويلسون” في الغالب بيعتمد معظمها على المواقف الكوميدية، اللي بتطلع من التناقضات بين شخصيتها المهرجلة العنيدة، مقارنة بشخصية تانية أكتر جدية واحترافية. واللي هي “آن هاثاواي” في الفيلم. وفعلًا الكوميديا اللي خرجت من المفارقة دي كانت عظيمة، على الرغم من تكرارها.
لكن من ناحية تانية حسينا بفجوة كوميدية خاصة في النصف الأخير من الفيلم، وإن إخراج “كريس أديسون” فقد تركيزه على المهمة الأساسية للفيلم وهي الكوميديا، لحساب خيوط فرعية تانية ضعيفة. وده أثر على تقييم الفيلم بالكامل.
وبما إننا بنتكلم عن كوميديا بتقدمها “ريبيل ويلسون” نقدر نقول إن المشاهدين المحافظين مش هتعجبهم بعض المشاهد أو التلميحات في الفيلم. الفيلم بيعرض بتصنيف +16 في مصر و PG-13 في أمريكا.
The Hustle فيلم كوميدي نسائي بالمقام الأول، مش بيقدم حبكة معقدة. بنرشحه لعشاق “ريبيل ويلسون”، أو اللي عاوزين يفضوا دماغهم مع فيلم كوميدي خفيف.