The Definitive Guide to Living in the Capital , Cairo , Egypt

أفلام
The Man with the Iron Heart

فيلم The Man with the Iron Heart: عن بشاعة الحرب

  • جاك أوكونيلجيسون كلارك...
  • حركة ومغامرات
  • سيدريك جيمنيز
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Man with the Iron Heart: عن بشاعة الحرب

مهما شوفنا أفلام عن فترات مهمة وحاسمة وبشعة في تاريخ العالم، مش هنشوف أقوى من الأفلام اللي بتتناول فترة الحرب العالمية الثانية، مش بس لأنها واحده من أكتر فترات العالم من حيث الجنون، لكن علشان الفترة دي تم تناولها أكتر من مرة في عدد ضخم من الأفلام واللي معظمها حقق نجاح كبير.

لكن هل هيكون نفس النجاح من نصيب فيلم The Man with the Iron Heart؟

القصة

الفيلم بيحكي عن المقاومة البريطانية للاحتلال النازي، واللي بتقرر الدفع باثنين من أفضل عناصرها الشباب علشان يغتالوا واحد من أهم وأشرس قادة الحزب النازي، وهو الرجل المسئول في الحقيقة عن التخطيط للتخلص من اليهود في فترة الحرب العالمية الثانية.

لكن هل تنفيذ المهمة هيكون بنفس سهولة كلامنا عنها؟ ده اللي هنشوفه في أحداث الفيلم.

 

 

فريق العمل

الفيلم من بطولة روزاموند بايك، ستيفن جراهام، ميا واسيكوسكا، جاك أوكونيل، جاك رينور، ومن إخراج سيدريك جيمينز، وتأليف لورنت بينيت صاحب الكتاب اللي بيحمل نفس الاسم.

الأداء التمثيلي

الأداء التمثيلي للأبطال كان متميز جدًا، وقدروا يوصلوا لنا انفعالاتهم بأكتر من طريقه سواء من خلال حركة الجسد اللي تميزت بدقة شديدة وإبداع في توصيل المشاعر للمشاهدين بدون الاعتماد على جمل حوارية طويلة أو شرح مفصل لحالتهم.

كمان لازم نشيد بدور الممثلين اللي قاموا بالشخصيات الرئيسية في عالم الرايخ الثالث الألماني واللي قدروا يقدموا أداء تمثيلي مدهش ومتناسب مع الفترة التاريخية اللي بيحكي عنها الفيلم.

السيناريو والحوار والإخراج

سيناريو الفيلم بيعتمد على مبدأ التدرج في وصف الأحداث وتوريط المشاهدين فيها، يعني في المشاهد الأولى ممكن بعض المشاهدين يشعروا بعدم الاندماج بنسبة 100% مع الأحداث لكن مع الوقت بيشعر المشاهد أنه أصبح جزء من الحدث وده نجاح كبير على صعيد السيناريو، كمان حوار الفيلم رغم قلته في بعض المشاهد لكنه كان قوي ومتميز وقادر يوصل لنا المعاني المستترة ومشاعر كل شخصية من شخصيات الأحداث.

وكل النجاحات دي بتدل في النهاية على وجود إخراج قوي قادر يجمع كل التفاصيل دي مع بعض في نسيج واحد مميز.

الديكورات والموسيقى والأزياء

 

 

ديكورات الفيلم قدرت تنقلنا بصريًا لعالم الحرب العالمية الثانية خاصة المشاهد اللي تم تصويرها بحيث نشعر أننا بالفعل موجودين في المانيا في الفترة دي. وقدر الإخراج يتحكم في حركة الكاميرا والمشاهد الثابته بشكل رائع ومتناغم.

كل ده مع الأزياء والموسيقى اللي تم التركيز فيها على البعد التاريخي، لكن الموسيقى التصويرية هتفضل في النهاية هي الحلقة الأضعف من حلقات الفيلم. وحسينا أنها مشتتة ومش مؤثرة.

الخلاصة

فيلم The Man with the Iron Heart مش أفضل فيلم شوفناه عن الحرب العالمية الثانية، لكنه فيلم قوى ويستحق المشاهدة وهيقدم تسلية كبيرة للمشاهدين بالإضافة لبعض المعلومات التاريخية الجميلة.

علشان تبقى عارف:

الجزء الأكبر من الشخصيات اللي قام عليها الفيلم شخصيات حقيقية كانت مؤثرة في تاريخ الحرب العالمية الثانية.

 

عجبك ؟ جرب

فيلم Allied من إنتاج 2016

نصيحة 360

العنوان الأصلي للفيلم هو HHhH وهو اختصار لإدارة الجستابو الألمانية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح