The Definitive Guide to Living in the Capital , Cairo , Egypt

أفلام
The Meg

فيلم The Meg: مغامرة مبهرة بصريًا مع أكبر سمكة قرش

أفلام جون تورتيلتوب جيسون ستاثام ريفيو فيلم سمكة قرش سينمات فيلم مغامرات كايرو 360 نقد أفلام
  • بينجبينج ليجيسون ستيثام...
  • حركة ومغامرات
تم التقييم بواسطة
Mohamed Hamdy
قيم
قيم الآن
فيلم The Meg: مغامرة مبهرة بصريًا مع أكبر سمكة قرش

من الحاجات اللي بنحبها ونقدرها في أفلام المغامرات، أن صناعها عارفين تمامًا أن وظيفتهم هي تقديم حوالي ساعتين من الترفيه والمتعة البصرية وحبس الأنفاس، بعيدًا عن أي تعقيدات في السيناريو أو إلتواءات في القصة. وهو ده اللي مشي عليه صناع فيلم The Meg زي ما كتالوج أفلام المغامرات بيقول.. والنتيجة فيلم ممتع ومبهر بصريًا. وحابس للأنفاس بالمعني الحرفي للكلمة!

فيلم The meg بيحكي عن خبير الغوص جوناس تيلور (جيسون ستاثام) واللي بيواجه أكبر سمكة قرش في العالم علشان ينقذ مجموعة من الأشخاص المحاصرين في غواصة. مواجهة بتزداد صعوبتها لما نعرف أن تايلور نفسه صاحب تجربة سيئة مع أسماك القرش لما هرب من سمكة قرش عملاقة قبل كده.

وطبعًا اذا عُرف السبب بطل العجب. مخرج الفيلم  جون تورتيلتوب متخصص في إخراج أفلام المغامرات والأكشن الخفيفة. لو كنتم من مواليد الثمانينيات أو أوائل التسعينيات أكيد هتعرفوا فيلم 3 Ninjas من إنتاج 1992 أو فيلم Last Vegas من إنتاج 2013 كل دي أفلام بتنتمي لنفس الفئة وأخرجها نفس المخرج.

أما عن اختيار جيسون ستاثام كبطل للفيلم. الحقيقة الاختيار ده له ميزة وعيب. الميزة في الإمكانيات البدنية العالية لجيسون، وكونه وجه سينمائي (مغامراتي) معروف ومشهور، حتى أننا في مصر بنعتبر وجود أسمه في أحد الأعمال دليل على الجودة والقوة والأثارة، لكن من ناحية تانيه جيسون مش بيعرف يقدم أي انفعالات مختلفة عن الحزن والغضب.. أمكانياته التمثيلية ضعيفة مقارنة بامكانياته الجسدية. وده اللي حرم الفيلم من اللعب على مشاعر الجمهور أو محاولة تقديم مشاهد درامية من العيار التقيل. لكن زي ما قولنا ده مش هدف الفيلم بالأساس.

بننصح بمشاهدة the meg في السينمات اللي بتقدم تقنيات مشاهدة تفاعلية زي الـ D box مثلا لأنها هتقدم متعة مشاهدة كبيرة خاصة مع مشاهد هجوم السمكة، كمان الفيلم مناسب للناس اللي فاتها الصيف ورحلاته علشان فيه مشاهد بحرية كتير ومميزة ومتعوب في تصويرها واختيار الزوايا الخاصة بها.

The Meg فيلم مغامرات خفيف وقوي في نفس الوقت وننصح بمشاهدته.

علشان تبقى عارف:

استغرق تصوير الفيلم حوالي 3 شهور تقريبًا وتقييمه على موقع IMDB وصل لـ 6.2 من 10.

عجبك ؟ جرب

Jaws

نصيحة 360

الممثل والمخرج (إيلي روث) كان هيكون مخرج الفيلم، لكن تم استبداله بـ(جون تورتيلتوب) بعد خلافاته مع الإنتاج.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح