The Definitive Guide to Living in the Capital , Cairo , Egypt

أفلام
The Midnight Man

فيلم The Midnight Man: رعب ما فيهوش أي جديد

The Midnight Man أفلام رعب سينمات القاهرة فيلم The Midnight Man مقال نقدي
  • جريسون جابرييلروبرت إنجلاند...
  • رعب
  • ترافيس زارويني
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Midnight Man: رعب ما فيهوش أي جديد

على الرغم من أن كتير من أفلام الرعب بتكون قصتها نمطية لاعتماد الكثير من الأفلام على نفس الحبكة والتيمة، لكن للأسف The Midnight Man كان من أكتر الأفلام اللي شوفناها نمطية، واللي حسينا أنه بيشبه كتير من أفلام الرعب التانية، تعالوا نتعرف أكتر على الفيلم.

 

بيحكي فيلم The Midnight Man عن بنت بتكتشف مع مجموعة من أصدقائها لعبة ممسوسة بكيان شيطاني اسمه (رجل منتصف الليل)، واللي بيحول تجربتهم لاستكشاف اللعبة لمعركة كفاح من أجل البقاء على قيد الحياة.. وبتستمر الأحداث اللي مش عاوزين نحرقها لكم.

 

والفيلم من تأليف وإخراج  ترافز زاروني، ومن بطولة لوجان كريران وروبرت إنجلند وجرايسون جابريال وإميلي هاين، ونقدر نقول أن الأداء التمثيلي لكل أبطال الفيلم كان تقليدي ومحفوظ، وكل الممثلين تقريبًا كانوا مش بيعملوا أي شيء غير رسم حالة من الهلع والفزع على وجوههم طوال الوقت.

بالتالي بعض المشاهدين شعروا ببعض الملل ماعدا المشاهدين اللي بنوصفهم بأنهم عشاق أفلام الرعب، مهما كان مستوى الفيلم اللي بيتفرجوا عليه، المهم أنه بيخوف وخلاص من وجهة نظرهم.

قصة الفيلم كان ممكن تكون جيدة، لو لم تصطدم بحالة من الاستسهال في تنفيذ السيناريو وفي إخراج الفيلم وتصميم المشاهد، الأمر اللي جعل الفيلم في النهاية نسخة مكررة ورديئة من عدد كبير من أفلام الرعب التانية. 

لكن هل الفيلم مافيهوش أي حاجة إيجابية؟ الحقيقة أن ديكورات الفيلم كانت جيدة والموسيقى التصويرية والمؤثرات الخاصة هي كمان حاولت تلعب دورها علشان تنقذ الفيلم من فخ التكرار، لكن مش بالمؤثرات الخاصة والديكورات فقط بتنجح الأفلام.

الخلاصة

فيلم The Midnight Man بيقدم خلطة عادية جدًا من أفلام رعب سابقة، من غير أي تجديد، لكن ممكن الفيلم يعجبكم لو بتدورا بس على فيلم فيه مشاهد رعب.

وأخيرًا نحب نعرفكم أن تقييم الفيلم على موقع IMDB وصل لـ 4.8 من 10.

 

عجبك ؟ جرب

The Amityville Murders

نصيحة 360

الفيلم من انتاج كندي

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح