The Definitive Guide to Living in the Capital , Cairo , Egypt

أفلام
The Post

فيلم The Post: حرب فيتنام أصعب ولا حرب المؤسسات الصحفية على السبق الصحفي؟

أفلام سينمات القاهرة مقال نقدي
  • توم هانكسسارة بولسون...
  • دراما
  • ستيفين سبيلبرج
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Post: حرب فيتنام أصعب ولا حرب المؤسسات الصحفية على السبق الصحفي؟

نقدر نعتبر فيلم The Post واحد من الأفلام القليلة اللي بتوصف صعوبة مهنة الصحافة ومعاناة اللي بيعمل فيها، خصوصًا لما يتعلق الأمر بمحاولة الفوز بسبق صحفي، وإزاي المهنة دي أحيانًا ممكن تكون قاسية على العاملين فيها، خاصة النساء.

 

القصة

الفيلم بيحكي عن أحداث حقيقية، عن مجموعة ضخمة من الوثائق الحكومية الأمريكية اللي تم تسريبها عن حرب فيتنام وعن الدور المشبوه لأمريكا في الحرب، وإزاي دخلت الصحافة معركة مفتوحة مع مؤسسة الرئاسة والحكومة اللي كانوا بيسعوا لمنع نشر الوثائق دي بأي شكل.

فريق العمل

الفيلم من بطولة ميرل ستريب، توم هانكس، أليسون بري، كاري كوون، ومن تأليف جوش سنجر وإخراج ستيفن سبيلبرج.

 

 

الأداء التمثيلي

الحقيقة أن فريق عمل الفيلم سواء الممثلين ميرل ستريب وتوم هانكس أو الإخراج المتمكن لستيفن سبيلبرج، كلها أمور بتقول إننا هنشوف مباراة تمثيلية قوية ومش سهلة، وده اللي شوفناه بالضبط من خلال التمثيل القوي لتوم هانكس وميرل ستريب على وجه التحديد، وقدرتهم على أنهم يعكسوا مشاعرهم بمجرد نظرة عين أو إيماءة صغيرة بدون اللجوء للنص أو الحوار كأداة مهمة من أدوات الممثل.

السيناريو والحوار والإخراج

سيناريو الفيلم صعب الفهم شوية وسريع الإيقاع شويتين، يعني مش هينفع تشاهدوا الفيلم بكسل أو عدم تركيز، وإلا مشاهد مهمة وتعبيرات أهم هتفوت عليكم، لكن بنعيب على الفيلم أنه موجه أكتر للمشاهد الأمريكي اللي أكيد على دراية أكبر بموضوع تسريب الأوراق للصحافة، لكن زي ما عودتنا أمريكا حتى شئونها الداخلية ممكن تتحول لأفلام تهم قطاع كبير من المشاهدين حتى اللي مش عايشين على أراضيها.

إخراج الفيلم كان مميز جدًا طبعًا، والحوار كان مختصر ومفيد ومركز على عمق الأحداث نفسها بدون زيادة أو نقصان وده شيء يحسب للفيلم والمسئولين عنه.

الديكورات والموسيقى والأزياء

ديكورات الفيلم نقلتنا زمنيًا ومكانيا لفترة الأحداث وكانت من أفضل عوامل القوة في الفيلم، كمان الأزياء تم تصميمها بعناية علشان تتوافق مع الحقبة الزمنية. الموسيقى كمان نقلتنا لعالم الفيلم بسلاسة ومرونة وبدون تصنع أو تكلف.

 

 

الخلاصة

فيلم The Post مش بس بيناقش حرب فيتنام، لكنه بيناقش كمان الحرب في المؤسسات الصحفية الأمريكية، والغريب إنها حرب قد تكون أشد من الحرب اللي بيتم استخدام السلاح فيها!

علشان تبقى عارف:

تقييم الفيلم على موقع IMDB وصل إلى 7.3  من 10.

عجبك ؟ جرب

Saving Mr. Banks

نصيحة 360

 الفيلم له أكتر من أسم تاني زي The Papers

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح