The Definitive Guide to Living in the Capital , Cairo , Egypt

أفلام
The Spy Who Dumped Me

فيلم The Spy Who Dumped Me: حبيبي طلع جاسوس

أفلام ريفيو سينمات القاهرة في السينما كايرو 360 كوميدي أكشن نقد أفلام
  • جاستن ثيروكسكيت ماكينون...
  • كوميدي
  • سوزانا فوجل
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Spy Who Dumped Me: حبيبي طلع جاسوس

بنحب نوعية الأفلام اللي بتجمع بين أكتر من فئة، زي أفلام الجاسوسية الكوميدية مثلًا، أو أفلام الأكشن الكوميدي اللي بينتمي لها فيلم The spy who dumped me. تعالوا نتعرف أكتر عليه.

 

 

الفيلم بيحكي عن صديقتين في سن الثلاثينيات، بتكتشف واحدة منهم أن حبيبها السابق كان جاسوس، الأمر اللي بيدخلها في مغامرة دولية بتقترن فيها الكوميديا بالجاسوسية بالأكشن.

على الرغم من التقدم النسبي في السن إلا أن ميلا كونيس وكيت ماكينون بطلات الفيلم قدروا يظهروا في كامل نشاطهم، وحيويتهم.

من الواضح أن ميلا كونيس عاوزه تثبت نفسها أكتر في المنطقة الكوميدية، شوفناها قبل كده في أدوار زي The Spy Who Dumped Me في 2017 و Bad Moms قبلها بسنة واحدة، وكلها أدوار بتأكد على تفوق ميلا في الكوميديا.

 

 

أما كيت ماكينون فأغلبنا عرفها أكتر من أدائها الصوتي في أفلام أنيميشن مشهورة زي  Ferdinand في 2017 و Finding Dory في 2016 وغيرها من الأعمال المهمة.

مخرجة الفيلم ومؤلفته سوزانا فوجل ما قدمتش أفلام سينمائية قوية قبل كده، لكن لها خبرة طويلة في إخراج المسلسلات، وبشكل عام قدرت تكون ثلاثي نسائي ناجح في الفيلم بينها وبين البطلات وكان واضح الاتجاه النسائي ده في الأحداث والإخراج. والفيلم بشكل عام قدم مستوى عالي ومميز من الكوميديا مع أكشن قوي في نفس الوقت لكن في النهاية لو هنصنف الفيلم هنصنفه في الاتجاه الكوميدي.

لو عاوزين تفصلوا دماغكم من كل حاجة وتستمتعوا في حوالي ساعتين من المغامرة والأكشن ننصحكم بمشاهدة The Spy Who Dumped Me.

علشان تبقى عارف: ميلا كونيس بطلة الفيلم من مواليد 1983 من أصول يهودية أوكرانية وانتقلت الى لوس أنجلوس علشان تبدأ من هناك مسيرتها الفنية المستمرة حتى اليوم.

عجبك ؟ جرب

Bad Moms

نصيحة 360

تقييم الفيلم على موقع IMDB وصل 6.4 من 10.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح