The Definitive Guide to Living in the Capital , Cairo , Egypt

أفلام
The Strangers: Prey at Night

فيلم The Strangers: Prey at Night: هتعمل إيه لو كنت مكان الأبطال؟

The Strangers: Prey at Night أفلام رعب سينمات القاهرة فيلم رعب مقال نقدي
  • إيما بيلوميبايلي ماديسون...
  • رعب
  • جوانس روبرتس
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Strangers: Prey at Night: هتعمل إيه لو كنت مكان الأبطال؟

كتير من أفلام الرعب بيعتمد على فكرة (ماذا لو) الشهيرة. وهو السؤال اللي بيطرحه المشاهد على نفسه من خلال مشاهدة الأفلام دي.. ماذا لو كنت مكان الأبطال؟ كنت هتصرف إزاي وهعمل إيه؟ وهو ده السؤال اللي لقينا نفسنا بنردده وإحنا بنتفرج على أحداث The Strangers: Prey at Night.

الفيلم من إخراج جوهانس روبرتس، ومن تأليف بريان بيرتينو، ومن بطولة كريستينا هندريكس وبالي ماديسون ومارتن هندرسون ولويس بولمان وإيما بيلومي.

 

فيلم The Strangers: Prey at Night بيحكي عن أسرة بتجد نفسها في منطقة منعزلة عن أي تغطية لشبكات المحمول، ثم بتبدأ الأحداث تتعقد أكتر لما بيظهر 3 أشخاص ملثمين وواضح أنهم مرضى نفسيين وبيقرروا يواجهوا الأسرة ويضعوهم في كفاح من أجل البقاء على قيد الحياة.

 

الأداء التمثيلي للأبطال كان جيد، والمميز فيه أن كل واحد منهم كان فاهم أبعاد شخصيته والدور المطلوب منه أنه يقوم به بشكل جيد، وقدر كل واحد منهم يقوم بدوره في الأطار العمري له، الأمر اللي أدى في النهاية لظهور الفيلم في شكل جيد من ناحية الأداء التمثيلي.

 

سيناريو الفيلم سريع وغير ممل، خاصة في النصف الثاني من الأحداث، واللي عوضنا عن بعض الملل اللي شعرنا به في بداية أحداث الفيلم، أما الإخراج فكان عارف بالضبط المطلوب منه وقدمه للمشاهدين، والمطلوب كان مجموعة من مشاهد وتيمات الرعب اللي معظمها كان غير جديد، لكنه أكيد هيكون مؤثر لكل محبي أفلام الرعب بشكل عام.

ديكورات الفيلم والموسيقى التصويرية الخاصة به كانت قوية، وقدرت تخلق مع الإضاءة الخافتة في معظم مشاهد الفيلم جو عام من عدم الراحة عند المشاهدين، وكل ده جهز بشكل محترف لظهور مشاهد الرعب والفزع.

الخلاصة

فيلم The Strangers: Prey at Night مش أفضل فيلم رعب شوفناه على الأطلاق، لكن كان ناقصه بعض الأهتمام والبذخ الأنتاجي علشان يكون أفضل من النتيجة النهائية اللي شوفناها، لكنه هيعجب عشاق الرعب بشكل عام، أما الناس اللي بتحب السينما اللي فيها قصة قوية فبلاش يتفرجوا عليه.

وعلشان تبقى عارف، تقييم الفيلم على موقع IMDB هو 5.7 من 10.

عجبك ؟ جرب

The strangers

نصيحة 360

مخرج الفيلم (جوهانس روبرتس) هو نفسه مخرج فيلم (47 Meters Down).

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح