Three Billboards Outside Ebbing, Missouri
فيلم Three Billboards Outside Ebbing, Missouri: السهل الممتنع
سينمات القاهرة مقال نقدي-
سام روكويلفرانسيس ماكدورماند...
-
دراما
-
مارتن ماكدونا
-
في1 Cinema
Mohamed Hamdy
الأفلام اللي بتدفع المشاهدين علشان يتخيلوا لو كانوا في نفس موقف البطل أو البطلة، وأزاي هيكون تصرفهم، في الغالب الأفلام دي بتحقق نجاح كبير علشان بتنجح في خلق حالة من التعاطف والمقارنة بينها وبين حال المشاهد، وده بالضبط اللي حصل معانا وإحنا بنتفرج على فيلم Three Billboards Outside Ebbing, Missouri.
القصة
فيلم Three Billboards Outside Ebbing, Missouri بيحكي عن امرأة بتعاني نفسيًا بعد وفاة بنتها في جريمة قتل بشعة، ومع شعورها ببطء العدالة بتبدأ في تصميم بانرات إعلانية تتهم فيها رئيس الشرطة بالتقاعس عن الوصول للجاني، الأمر اللي بيفجر حالة من الصراع في المدينة الهادية.
فريق العمل
الفيلم من تأليف وإخراج مارتن ماكدونا، ومن بطولة فرانسيس ماكدورماند ووودي هاريلسون وكاثرين نيوتون وبيتر دينكليدج وسام روكويل.
الأداء التمثيلي
الأداء التمثيلي لكل أبطال الفيلم كان قوي ومميز، وعجبنا جدًا إدراك كل واحد من الأبطال لأبعاد دوره، والطبقات المختلفة المكونة منها كل شخصية من شخصيات الفيلم، بحيث نقدر نشوف في النهاية أداء سينمائي مركب وممتع جدًا.
السيناريو والحوار والإخراج
سيناريو الفيلم سهل الفهم سهل المتابعة سريع الأحداث، كمان إخراج الفيلم كان واضح فيه المجهود الكبير اللي تم بذله علشان يخرج الفيلم في النهاية قوي ومميز. وبشكل عام نقدر نقول أن الفيلم ينتمي لفئة السهل الممتنع في الأفلام.
الديكورات والموسيقى والأزياء
ديكورات الفيلم نجحت في نقلنا بصريًا وذهنيًا لأماكن الأحداث وكأننا من سكان المدينة اللي بتدور فيها القصة، كمان الموسيقى التصويرية كانت رائعة وعارفة إمتى تتدخل في المشهد والأحداث وإمتى تلتزم الصمت وتسيب المشاهدين يركزوا.
الخلاصة
فيلم Three Billboards Outside Ebbing, Missouri بيقدم حبكة سينمائية جيدة وقصة مميزة مع أداء تمثيلي مبهر وبنرشحه لمحبي أفلام الغموض والأثارة.
علشان تبقى عارف: تقييم الفيلم على موقع IMDB وصل لـ 8.3 من 10.