The Definitive Guide to Living in the Capital , Cairo , Egypt

أفلام
Zero

فيلم Zero: حب المظهر.. وحب الجوهر

zero استعراض اغاني الوان بوليوود حب رقص سلمان خان شاروخان فيلم مهرجان هندي
  • سلمان خانشاروخان...
  • درامارومانسي...
  • أناند إل. راي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Zero: حب المظهر.. وحب الجوهر

شهرة كبيرة قدر يحققها النجم الهندي “شاروخان”، خاصة في مصر والمنطقة العربية. أفلام زي  Dilwale وHappy New Year وMy Name Is Khan وغيرها، قدرت تطلق شهرة شاروخان، وسط المشاهدين من الشباب والمراهقين. أو حتى النقاد المتابعين لحركة السينما الهندية (بوليوود). هل قدر شاروخان يحقق نفس النجاح في Zero؟

 

 

في البداية Zero بيحكي عن القزم باوا سينج “شاروخان”، اللي بيقع في حب بنتين في نفس الوقت. ومع اختلاف شخصياتهم عن بعض، بتحصل مواقف كتيرة متشعبة. وطبعًا بيتخللها كمية كبيرة من الاستعراضات، زي ما تعودنا من كل أفلام بوليوود.

القصة بتلعب على تيمة قديمة لعبت عليها أفلام كتيرة، وهي ضرورة عدم انخداعنا بالشكل المبهر على حساب الجوهر. وإن الإعاقة مش في الجسد، إنما في التفكير. لكن المميز كان قدرة الفيلم على تقديم الحكمة المعادة دي في إطار من التجديد والاستعراضات والمشاهد الجميلة. اللي تم تصميمها بكفاءة على يد المخرج  “أناند إل. راي”.

 

 

عجبنا جدًا كرنفال الألوان في بعض مشاهد الفيلم، اللي قدم لنا تجربة بصرية جميلة ومميزة. وبالنسبة للأداء التمثيلي، فـ “شاروخان” رغم أدائه المعتاد، إلا إنه يعتبر جيد مقارنة بكتير من الممثلين التانيين. علشان كده تفهمنا إن محبي شاروخان هايعجبهم الفيلم. لأنه بيقدم لهم الأداء المعتاد منه في فيلم جديد.

ومانقدرش ننسى الأداء التمثيلي المميز كمان من أنوشكا شارما، كاترينا كايف، سلمان خان، وباقي أبطال الفيلم.

محبي شاروخان هيلاقوا في الفيلم واحد من أفضل الأفلام بالنسبة لهم في 2018. وكذلك الناس اللي هتدخل الفيلم علشان تستمع بجو الاستعراضات هينبسطوا. لكن في كل الحالات يبقى الفيلم قوي ومُشجع على المشاهدة.

عجبك ؟ جرب

My Name Is Khan

نصيحة 360

بدأ تصوير الفيلم في 24 مايو 2017.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح