في فترة من فترات الفن في مصر. جيل الشباب كان مكون من أسماء زي أحمد زكي، محمد صبحي، عادل إمام، ومحمود السعدني وغيرهم. واللي حددوا شكل الفن في مصر بعد كده. بس هل إحنا النهارده عندنا مواهب شابة بحجمهم؟
الفيلم بيلقي الضوء على شكل مواهب الشباب في مصر حاليًا. اللي للأسف مفيش منهم مواهب واعدة، تقدر تشيل راية الفن الفترة الجاية.
“كازانوفا” بيحكي عن قصة حب بين مصممة أزياء ومخرج إعلانات. لكن حبهم بيتعرض لمواقف كتيرة، بتغير مجرى الأحداث بشكل كبير.
“إيساف” و”راندا البحيري” مستواهم في الفيلم كان سيء. ومن هنا حسينا أن المشكلة الأساسية في المخرج “أسامه فاضل”. خاصة إن دي أول تجربة له، بعد أعمال كتيرة اشتغل فيها كمخرج منفذ. زي مسلسل “هي ودافنشي” و”بره الدنيا”.
من الأدوار الجيدة في الفيلم دور “إلهام عبد البديع”. ممثلة قوية قدرت تثبت نفسها في أكتر من عمل، زي “كأنه إمبارح” و”الزيبق” وغيرهم.
كازانوفا فيلم ضعيف جدًا على كل المستويات.