The Definitive Guide to Living in the Capital , Cairo , Egypt

مهمة في فيلم قديم

مهمة فى فيلم قديم: فيلم فاشل فاشل فاشل!

  • إدواردإدوارد...
  • إستعراضيكوميدي
  • أحمد البدريأحمد البدري
تم التقييم بواسطة
Mohamed Hamdy
قيم
قيم الآن
مهمة فى فيلم قديم: فيلم فاشل فاشل فاشل!

الجريمة العظمى اللى ارتكبها كل القائمين على الفيلم، مش بس أنهم قدموا عمل سينمائى مشوه، لكن كمان أنهم شوهوا مع كل ما شوهوه السينما الجميلة القديمة وخصوصًا أعمال عبد الحليم حافظ والأفلام اللى تربى عليها جيل واسع من السينمائيين اللى قدموا سينما حقيقية.

قصة الفيلم -وإحنا آسفين أننا مضطرين نحكى قصة بهذا القدر من الإسفاف- بـ تدور حول إدوارد فنان شاب عايش فى حارة فقيرة وبـ يعانى من الفقر، وانهيار أحلامه، كل يوم بالليل بـ يسهر أمام الـ DVD على فيلم من أفلام عبد الحليم حافظ وبـ يقعد يشرب حشيش! وكل مرة يطلع له عبد الحليم حافظ (قام بدوره الفنان شادى شامل بعد أداؤه نفس الدور فى مسلسل العندليب) وبـ يدعوه للدخول للتليفزيون وأداء نفس المشهد معاه! وبكده نشوف فيفى عبده وإدوارد وباقى فريق عمل الفيلم فى حاله تقليد سخيف لمشاهد جميلة من أفلام عبد الحليم حافظ!

الجميل فى كل الحاجات السيئة دى هو إقبال الجمهور على الفيلم، رغم أن عدد الجمهور فى مدخل الصالة الرئيسية للسينما كان ضخم إلا أن اللى حضروا فيلم “مهمة فى فيلم قديم” ما تجاوزش 6 أشخاص وقعهم حظهم السىء فى براثن الفيلم، وده أسعدنا بصراحة أن الجمهور ما بقالوش إقبال على النوعية دى من الأفلام، صحيح عدد كبير منهم كان مهتم بفيلم سىء برضه هو “عبده موتة” إلا أن فيلم زى ده مقارنة بفيلم “مهمة فى فيلم قديم” يستحق الأوسكار بجدارة.

كان عندنا رغبة أكيدة فى كايرو 360 أننا ننفد بجلدنا ونهرب من الفيلم أثناء الاستراحة، إلا أن واجبنا لتقديم مقال نقدي كامل خلتنا نصبر ونستحمل.. عرفتوا إحنا بـ نحبكم قد إيه بقى؟

عجبك ؟ جرب

فيلم "الفيل فى المنديل".

نصيحة 360

الشيخ يوسف البدرى مؤخرًا ناشد الدولة بإصدار قرار بمنع فيفى عبده من الرقص الشرقى! إحنا بـ ندافع عن حرية الرأى –والرقص– علشان كده بـ نناشد "فيفى" تبطل من نفسها لأن الموضوع مش محتاج قرار سيادى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح