فترة طويلة مرت على مشاهدتنا لفيلم منخفض التكلفة تجاري النزعة بيستهدف تحقيق أكبر كمية تذاكر في موسم العيد بغض النظر عن المستوى الفني، للأسف هروب مفاجئ بينتمي للفئة دي من الأفلام، والغريب أن حتى إنتاج فيلم بالمواصفات دي تأخر 3 سنوات!
القصة
الفيلم بيحكي عن رجل بيبحث عن حبيبته المختفية من فترة طويلة بدون أي أثر، وفى البحث ده بيواجه مجموعة من المشاكل والمواقف اللي بتتراوح بين كونها مواقف غموض وإثارة وأكشن، مع لمحة من الكوميديا.
فريق العمل
هروب مفاجئ من إخراج إبرام نشأت، وتأليف سامح فرج، وبطولة أشرف مصيلحي ونرمين ماهر وشيماء سيف.
الأداء التمثيلي
بصراحة شديدة الأداء التمثيلي لكل الممثلين المشاركين في الفيلم كان ضعيف جدًا ولا يرتقى إنه يكون أداء تمثيلي بالأساس. وكنا محتاجين نشوف أداء أقوى وقدرة أفضل على الوقوف أمام الكاميرا وأداء المشاهد المختلفة.
السيناريو والحوار والإخراج
سيناريو الفيلم كان ضعيف وركيك ومحتاج شغل أفضل من كده، والحوار كان مباشر وسطحي وواضح الإهمال في كتابته جدًا، وطبعًا كل الأمور دي بتقول إن الفيلم وإخراجه كانوا بعافيه شوية.
الديكورات والموسيقى والأزياء
طبعًا في نوعية أفلام زي هروب مفاجئ بيكون الكلام عن الديكورات أو الموسيقى والأزياء من ضروب الخيال، لأن السيناريو والتمثيل والإخراج نفسهم كانوا محتاجين يكونوا أفضل.
الخلاصة
رسالة لصناع فيلم هروب مفاجئ: يا ريت تحاولوا تقدموا لنا منتج أفضل في الفترة القادمة. شوية اهتمام وشغف وورق مكتوب حلو ممكن يقدموا في النهاية فيلم مميز.
علشان تبقى عارف:
المخرج إبرام نشأت هو أيضًا مخرج فيلم عمود فقري وظرف صحي.
أكتب تقييم
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
