مع أنه أول أفلام
المخرج “هادي الباجوري” صاحب التاريخ الطويل من الإعلانات والكليبات،
لكن البداية مبشرة، لكن برضه –كعادة التجارب الأولى– فيه مشكلة.
عندنا “عبد الله”
أو “بودي” مهندس صاحب تصميمات بارعة ودي مواصفات تؤهله أنه يكون نجم
مجتمع، وذكي، ومحبوب خصوصًا من الستات اللي دائمًا ما بـ يتكلموش غير عن شطارته في
كل حاجة.
“عبد الله”
مافيش في حياته تقريبًا غير الستات، والدته نفسها يتجوز، لكنه مش عاوز بسبب قصة
حبه القديمة من الفتاة المسيحية “أميرة” واللي بـ تحب دينها أكثر من أي
حاجة ثانية، وبسبب اختلاف الدين تبعد عن “عبد الله” مدة خمس سنين كاملة،
واللي يحاول ينساها بأنه يعرف ستات أكثر، فـ تظهر المذيعة “مريم” في
حياته وهي اللي نفسها والدته وأعز صاحباته “نادين” أنهم يتزوجوا، وفي
نفس الوقت يتعرف “عبد الله” على سيدة المجتمع “د. فريدة” المتزوجة
من “إياد” لكنه زواج اجتماعي قائم على المصلحة لأن “إياد” في
الأصل شاذ جنسيًا!
كمان نعرف أن “نادين”
أعز صاحبات “عبد الله” طُلقت من زوجها –شريك “عبد الله” في
المكتب– لأنها برضه كانت بـ تحب “عبد الله”. وتظهر الفتاة المسيحية
“أميرة” مرة ثانية، ويبدأ الصراع على قلب “عبد الله” والفوز
بلقب حرمه!
كعادة أفلام
السيناريست تامر حبيب يبدو الفيلم أنه مختص بالمشاعر العاطفية اللي مالهاش أي
قواعد، لكن يفضل عزف وكتابة تامر حبيب من نوعية الأعمال المحببة لقلبك، مع أنه –كالعادة
برضه– بـ ينفي وجود العنصر الاقتصادي المتحكم في مشاعر الحب واللي ممكن بسبب قصص
حب تفشل، فـ نلاقي الشخصيات كلها قادرة ماديًا، تقدر تعيش بمستوى اجتماعي ومادي مش
بس لائق لكنه فوق المعقول، لكن يفضل الفيلم أكثر أفلام تامر حبيب سودواية –في
رأينا– لأنه بـ يؤكد على النظرة الأنانية اللي بقت عندنا غالبًا والمتحكمة في
مشاعرنا العاطفية، كمان الأكثر مأساة أن الحب بـ يموت ومش بـ ينتصر واللي بـ يحصل
هو ارتباطات صورية فقط لإكمال الشكل الاجتماعي أمام الناس مش أكثر!
يؤكد المعنى ده بداية
الفيلم لما نلاقي “عبد الله” بـ يتكلم عن نفسه وأنه مش شخص أناني، وأنه
عمره ما يكذب، وأنه جعل كل الستات تحبه، علشان –بمنطق ساخر– نكتشف أن كل ده مش
حقيقي، وأن كل اللي بـ يقوله “عبد الله” ممكن تكون أسباب ضعيفة أو حتى
مش أسباب من الأساس، لكنها مبررات عبيطة تخلينا أمام حقيقة أننا مش مختلفين كثير
عن شخصيات الفيلم.
يأتى عنصر الاهتمام
بـ “الكادراج” أو تفاصيل اللقطة من بدايتها لنهايتها على أفضل ما يكون،
وده بسبب عمل المخرج هادي الباجوري –زي ما قلنا– في الإعلانات والكليبات، لكن الاهتمام
بالشكل لا يغني عن الاهتمام بالمضمون، وبالتالي بالرغم من الجمالية العالية
للكادر، لكنه في أحيان كثيرة يأتي الجمال على حساب المضمون اللي عاوزة توصله
اللقطة أو المشهد بصورة بصرية.
الفيلم من الأفلام
اللي تشعر أن البطولة الجماعية تخلي كل نجومه ما يطغيش أداء واحد على الثاني، وإن
كان فيه شوية “أﭬورة” لكنها مقبولة.
أكتب تقييم
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
