The Definitive Guide to Living in the Capital , Cairo , Egypt

21 شارع جامب – 21 Jump street

21 Jump Street: الحنين إلى أيام الثانوية

  • جونا هيل
  • حركة ومغامراتكوميدي
  • كريس ميلركريس ميلر
  • في1 Cinema
تم التقييم بواسطة
Mohamad Adel
قيم
قيم الآن
21 Jump Street: الحنين إلى أيام الثانوية

في مشهد
ساخر جدًا يعبر فيه ضابط الشرطة المتخفي “جينكو” عن دهشته لزميله
“شميدت” (الملتحقين فيها كطلبة ثانوية متخفين علشان يقبضوا على تجار
المخدرات) من أن المدرسة تغيرت كثير عن فترة الثانوية اللي قضوها، فالطلبة بقت بـ
تشجع على الحفاظ على البيئة، وبقى الوسيم هو هنا المتخلف عن باقي زملائه، وما يلاقيش
“جينكو” غير أنه يقول: “ده أكيد تأثير مسلسل Glee الشهير على الجيل ده”!

الحقيقة أن
الفيلم بـ يمشي على نفس الوتيرة من السخرية من Stereotypes موجودة بكثير في
الأفلام الأمريكية بالتحديد، زي ضابط الشرطة الأسود “ديكسون” –وكلامه عن
السود والبيض بشكل يبين أن العنصرية لسه موجودة هناك- واللي بـ يستقبل كمان
“جينكو” و”شميدت” في شارع Jump Street علشان يقوموا بمهمات
للبوليس تحت غطاء سري.

ومع أن
العام –زي ما قلنا– هو السخرية من الأفلام الأمريكية اللي بـ تتناول نفس الأفكار،
لدرجة أن في أحد التتابعات بـ يقوم “شميدت” بالتعبير عن فرحته لـ
“جينكو” في إطار أنهم زي النجم الأمريكي المعروف بروس ويليس في سلسلة
أفلامه الشهيرة Die Hard، بدليل كمان تتابعات
مطاردة “شميدت” و”جينكو” للعصابة على الطرق السريعة، وإزاي
العربيات المحملة بالبنزين والمفروض تتفجر ما تتفجرش.

لكن هنا
يبقى الفيلم في نفس الوقت شيء خاص بذاته، خاصة مع فكرة عودة “شميدت”
و”جينكو” للمرحلة الثانوية مرة ثانية، مع الرجوع لبداية الفيلم وهو برضه
عن المرحلة الثانوية لـ “شميدت” اللي كان فيها شخص غريب
و”جينكو” واللي كان أشبه بالنجوم في المرحلة دي، طبعًا مع عكس الأوضاع
في العودة لنفس المرحلة بحيث يكون “شميدت” هو النجم و”جينكو”
العكس بـ يلمس بشكل خاص حول أمنية أي مشاهد في تذكره لأجمل فترات حياته، واللي كان
من أهمها فكرة عدم الإحساس بالمسئولية.

يعيب الفيلم
شوية اهتمامه بالتفصيل بزيادة، وتطويل السرد في مناطق كان ممكن تختصر فيها –خاصة
دخول “جينكو” و”شميدت” كضباط متخفيين في المدرسة الثانوية–
لكن من الواضح كمان فهم شخصيات المراهقين في المرحلة الثانوية وتصنيفهم، كمان يعوض
ده المشاهد الكوميدية اللي فعلاً بـ تفجر الضحك في صالة العرض، كمان أداء جوناه هيل وشانينج تاتم (في دور “شميدت”
و”جينكو”) كثنائي من أفضل ما يكون في الفيلم.

عجبك ؟ جرب

Never Been Kissed.

نصيحة 360

مش بس المدهش ظهور Ice Cube في دور ضابط الشرطة الأسود "ديكسون"، لكن كمان ظهور النجم الأمريكي المحبوب "جوني ديب" يمثل عنصر مفاجأة في الفيلم ككل، وكان دوره أحد زعماء العصابة اللي بـ يحب يعزف، والمعروف أن جوني ديب بدايته قبل التمثيل كانت في عالم الغناء.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح