The Definitive Guide to Living in the Capital , Cairo , Egypt

من أجمل الأمور اللى قدمتها مجموعة الأفلام الرومانسية اللى شوفناها فى شهر فبراير واللى نزلت السوق السينمائى المصرى والهوليوودي على حد سواء، هى أنها قدرت بشكل  أو بآخر تصحي جوانا الحنين للحب والرومانسية وكثير من المشاعر اللى أصبحت مدفونة تحت تراب المشاكل اليومية والمشاكل الاجتماعية والاقتصادية اللى بـ نعيشها حاليًا.

الفيلم اللى بـ تدور أحداثه فى حوالى ساعة ونصف، واللى أخرجه ستيف بينك وقام ببطولته كيفن هارت وريجينا هال وجوى براينت وآخرين بـ يحكى عن قصة حب رومانسية بـ تختلط بها الكوميديا بشكل كبير فى جزء رئيسى من الأحداث، وبشكل عام نقدر نقول أن الفيلم بـ يناقش العلاقة بين الرجل والمرأة من خلال القصص اللى بـ يتعرض لها.

كيفن هارت واحد من النجوم اللى بـ نحبهم ولسه شايفينه قريب فى فيلم Ride Along وغيرها من الأعمال، ممكن يكون التركيز عليه فى فيلم اليوم مش رقم 1 لكن ما نقدرش ننكر أن له بصمته الخاصة فى كل عمل بـ يشترك فيه ومنهم الفيلم ده.

على الرغم من جرعة الكوميديا الرائعة فى الفيلم، إلا أن التركيز كان بالأساس على الناحية الرومانسية، وده الكويس فى اتحاد الرومانسية مع الكوميديا، أننا لما نحس ببعض الملل من الرومانسية نهرب للكوميديا، ولما نحس أن الكوميديا انتهى وقتها نلاقى الرومانسية بـ تستقبلنا من جديد، ودى معادلة جيدة للفيلم وصناعه، إلا أن الرومانسية كان لها النصيب الأكبر فى النهاية.

About last night فيلم رومانسى كوميدي لطيف تقدروا تشوفوه فى أجازة نهاية الأسبوع مع شويه فيشار أو مشروب بارد.