The Definitive Guide to Living in the Capital , Cairo , Egypt

Alex Cross

Alex Cross: قبضة الهلالى الأمريكانى

  • تايلر بيريراتشيل نيكولس...
  • إثارةغموض وتشويق
  • روب كوهينروب كوهين
  • في1 Cinema
تم التقييم بواسطة
Mohamed Hamdy
قيم
قيم الآن
Alex Cross: قبضة الهلالى الأمريكانى
على طريقة فيلم قبضة الهلالى المشهورة بـ يقدم لنا المخرج روب كوهين والفنانين تيلر بيرى، وجون رينو، وماثيو فوكس وراشيل نيكولاس وغيرهم فيلم بـ يناقش واحدة من أقدم التيمات اللى تم تقديمها على الشاشة  الفضية.. تيمة “الانتقام”.

أليكس كروس ضابط مباحث عبقرى بـ يعرف الجرائم وأسبابها بمجرد زيارة مسرح الجريمة، الغريب أن المخرج والمؤلف مش بـ يتعبوا نفسهم يعرفونا إزاى قدر يستنتج الاستنتاجات العبقرية بتاعته، زى ما يكونوا بـ يقولوا لنا: هو ده البطل ولازم تحبوه! من غير ما تفهموا! على قد فلوسكم!
أليكس بـ يتعرض لمشكلة لما بـ يحاول أحد المجرمين المخبولين استهدافه هو وزوجته الحامل، ثم بـ تتوالى بعدها الأحداث والمطاردات بشكل سريع كتم أنفاسنا وعجبنا فى كثير من الأحيان، لكن بدون ترابط كبير للقصة.

سن تيلر بيرى وحالته البدنية وترهله اللى كان واضح على الشاشة خلانا ما نحسش أنه ضابط مباحث قادر على الجرى ومطاردة اللصوص والدخول فى معارك جسدية عنيفة، على العكس من ماثيو فوكس اللى قدم دور رائع استغل فيه قدراته التمثيلية والجسدية بأفضل ما يكون.
لسبب أو لآخر أيد الرقابة المصرية ما كانتش عنيفة على الفيلم ده زى أفلام ثانية كثير، بالتالى لو كنت من المشاهدين المحافظين ننصحك تتوخى الحذر فى الربع الأول من الفيلم لأن اللى هـ تشوفه مش لازم هـ يعجبك.
الموسيقى والديكور كانوا بـ يلعبوا دورهم التقليدى فى أى فيلم أكشن..مجرد عناصر مكملة للأحداث مش صانعة للمتعة الأساسية عند المشاهد، ده اللى إحنا دائمًا متوقعينه من أفلام الأكشن وده اللى ما خيبش ظننا فيه أليكس كروس.
قمة العبث بـ تظهر فى المشاهد الأخيرة من الفيلم لما بـ نشوف أليكس بـ يدير الانتقام الأخير له عبر شبكات المحمول واتصالات الفيديو اللى كان ظاهر فيها بشدة صوت برنامج سكايب المجانى للاتصال!
لو لك فى الأكشن السريع يبقى أليكس كروس هـ يعجبك مع مياه غازية أو فيشار فى الويك إند.. أما لو بـ تحب الأكشن الممزوج بقصة حقيقية أو ما بـ تحبش الأكشن أصلاً.. ننصحك تختار فيلم ثانى.

عجبك ؟ جرب

Desperado.

نصيحة 360

الفيلم تكلف 45 مليون دولار وتم تصويره بين أندونيسيا والولايات المتحدة الأمريكية .

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح