The Definitive Guide to Living in the Capital , Cairo , Egypt

أفلام
Alvin and the Chipmunks: Chip-Wrecked – الفين والسناجب

Alvin and the Chipmunks: Chipwrecked: حفلة سناجب عائلية

  • أنا فاريسإيمي بويلر...
  • عائليكارتون...
  • مايك ميتشلمايك ميتشل
  • في1 Cinema
تم التقييم بواسطة
Mohamad Adel
قيم
قيم الآن
Alvin and the Chipmunks: Chipwrecked: حفلة سناجب عائلية

مجموعة من السناجب بـ تغني وترقص وكمان بـ
تمثل، هنا الواحد يسأل نفسه: ليه بـ يتعمل فيلم جديد؟، الحقيقة كثير ما يعرفوش أن
ده الجزء الثالث اللي من نفس السلسلة عن نفس السناجب!

حتى لو فات أي واحد الجزءين اللي فاتوا يقدر
بسهولة جدًا يستنتج اللي حصل من الفيلم، وده بـ يفكرنا بمسلسلات الـ Soap Opear “أو دراما فقاعات الصابون” الأمريكية زي مسلسل Days Of Our
Lives واللي تستمر لسنين
وسنين طويلة، وممكن بكل سهولة ترجع في أي حلقة تفهم الحلقات اللي فاتت.

وبما أن مسلسلات الـ Soap Opera كانت مصنوعة في الأساس لربات البيوت، فطبيعي نسأل أنفسنا ليه
سلسلة أفلام Alvin
& the Chipmunks بـ
تتعمل، هل للأطفال ولا الكبار؟، فـ ببساطة لا الكبار ولا الصغار في مصر هـ يهتموا قوي
بمشاهدة أفلام عن سناجب بـ تغني، وده هـ يقودنا للكلام عن الموزعين المصريين
وطبيعة اختياراتهم لنوعية الأفلام اللي بـ تعرض هنا.

القصة هي مغامرة جديدة لمجموعة السناجب
“ألفين” و”سايمون” و”جانيت” و”ثيودور”
و”إليانور” و”بريتاني”، تحصل لهم حادثة تنتهي بهم في جزيرة
معزولة، في المقابل صاحبهم البشري “ديف” تحصل له برضه حادثة نتيجتها
تكون أنه يروح نفس الجزيرة، و”ديف” مش عارف يلاقي السناجب أصحابه، ولا
السناجب عارفين يلاقوا صاحبهم البشري، وطبيعي أن حياة الكل في خطر.

يمكن الميزة في الفيلم هو عنصر الـ Visual Effects واللي بـ يحتوي على أكبر طاقم –حتى أكثر من الممثلين– لعمل الفيلم
ده.

ضيفوا عليهم ميزة ثانية هو اعتماد الفيلم على
تيمات لأفلام أمريكية مشهورة زي تيمة فيلم Cast Away لتوم هانكس وده من خلال شخصية “زوي” واللي تبقى في
جزيرة معزولة لمدة 9 سنوات وتخلي كرة السلة والتنس هما أصحابها!

كمان تتابع مشهد محاولة حصول السناجب على
المانجا علشان فجأة نلاقي واحدة منهم اتحولت لشخصية “جولوم” المعروفة في
الثلاثية السينمائية الشهيرة “مملكة الخواتم” واللي ظهر في الجزء الأول
منهاThe
Lord of the Rings: The Fellowship of the Ring .

عجبك ؟ جرب

شوف الجزئين اللي فاتوا وهم Alvin and the Chipmunks وAlvin and the Chipmunks: The Squeakquel .

نصيحة 360

مش كثير يعرفوا أن Alvin & the Chipmunks كان في الأصل مسلسل كارتون تليفزيوني تم إنتاجه عام 1938 واستمر حتى سنة 1991، وكان مخترع شخصيات السناجب الأساسية هو الملحن الموسيقي روس باجداسريان، وقام بكتابة المسلسل، كمان قام بتأدية صوت شخصية "ألفين".

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح