The Definitive Guide to Living in the Capital , Cairo , Egypt

American Hustle

American Hustle: فيلم رائع عن النصب والاحتيال

  • إيمي أدامزبرادلي كوبر...
  • دراما
  • دافيد أو راسلدافيد أو راسل
  • في1 Cinema
تم التقييم بواسطة
Mohamed Hamdy
قيم
قيم الآن
American Hustle: فيلم رائع عن النصب والاحتيال

الحقيقة أن فيلم النهارده، يعتبر إثبات عملى على كيفية تحويل بعض الأفكار البسيطة لعالم متشابك من التفاصيل والأحداث القادرة على صنع واحد من أفضل وأنجح أفلام الموسم، بل ومن المرشحين للفوز بأوسكار أفضل فيلم كمان.

المؤلف والمخرج ديفيد راسل قدر من خلال الاستعانة بمجموعة من ألمع الأسماء فى هوليوود زى كريستيان بال وأيمي أدمز وبرادلي كوبر  وجينفر لورانس  وجيرمي رينير  وغيرهم من التعرض لقصة مبنية على أحداث حقيقية عن استعانة رجل مباحث فيدرالية اسمه ريتشي (برادلي كوبر) باثنين من النصابين الخطرين (كريستان بيل وإيمى أدمز) فى سبيل الوصول لعالم متشابك من الفساد السياسى والمالى بـ يضرب جذوره فى المجتمع الأمريكي فى فترة السبعينيات.

على الرغم من البساطة اللى تبدو عليها القصة فى الحكى المُختصر، إلا أن الدخول لتفاصيلها المعقدة على الشاشة بـ يخلق من المشاهد الأولى حالة من الاندماج الشديد بين المشاهد والأحداث، الاندماج اللى بـ يتصاعد مع الأحداث وبـ يظل موجود لحد اللحظات الأخيرة من الفيلم.

بما أننا قولنا أن الفيلم بـ تدور أحداثه فى السبعينيات، لازم نشيد بعبقرية المخرج ديفيد راسل فى قدرته على إعادة الزمن للوراء لعدة سنوات بالشكل ده.. بداية من الديكور.. الموسيقى.. الإضاءة.. وحتى الملابس وقصات الشعر ووسائل الاتصال، باختصار مافيش تفصيلة واحده طلعتنا من الجو السبعينياتى اللى عشناه على مدار أحداث الفيلم.

بالنسبة للأداء التمثيلى، الحقيقة أن مافيش ممثل واحد كان أداؤه أقل من الممتاز، الجميع كان بـ يؤدي دوره كأنه مولود له تفصيليًا، أما الديكور والموسيقى التصويرية زى ما قولنا كانوا موظفين بشكل أكثر من مثالى، ونعتقد بشكل عام أن الفيلم هـ يكون من أكثر الأفلام تنافسًا على جائزة الأوسكار، وممكن نراهن أنه هـ ينافس على أوسكار أفضل فيلم.

American Hustle فيلم ما تدخلوش فى حالة واحدة: لو كنت مش عاوز تركز فى فيلم يأخذ انتباهك بالكامل على مدار أحداثه، وكنت عاوز تتفرج على فيلم تقضى من خلاله وقت ظريف والسلام.

عجبك ؟ جرب

Pulp Fiction 1994.

نصيحة 360

الفيلم بـ يحتاج لتركيز كبير خصوصًا مع بداية النصف الثانى منه، مش لازم "فيشار" المرة دى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح