The Definitive Guide to Living in the Capital , Cairo , Egypt

American Ultra

American Ultra: مغامرات الزمن الجميل

  • توفر جرايسجيسي أيزنبرج...
  • حركة ومغامراتكوميدي
  • نينا نوريزادهنينا نوريزاده
تم التقييم بواسطة
Mohamed Hamdy
قيم
قيم الآن
American Ultra: مغامرات الزمن الجميل

من وقت للثاني بـ نحب ننسى كل الأغاني الحديثة اللى بـ نسمعها ونرجع بحالة "نوستالجيا" لأغاني الزمن الجميل.. في رأينا أن فيلم American Ultra بـ يقدم لنا حالة نوستالجيا من خلال فيلم بـ يفكرنا بأفلام المغامرات الخفيفة الخاصة بالتسعينيات! لكن هل معنى كلامنا أن الفيلم سىء؟ الإجابة هي لأ.. بالتأكيد لأ!

من إخراج  الإيراني نعمة نوريزادة  وبطولة كريستين ستيوارت وجيسي أيزنبرج وكوني بريتون وتوفر جريس بـ نشوف الفيلم اللى بـ يبدأ بمشاهد افتتاحية للشاب التافه محدود الذكاء (جيسي أيزنبرج) والمرتبط ببنت لا تقل عنه في مستوى الذكاء (كريستين ستيوارت).. جيسي مبتكر شخصية كارتونية تافهة بـ يقضي معظم وقته اللى بـ يشتغل فيه كاشير في رسم ملامح شخصيته اللى مش بـ يميزها أي حاجة هي كمان، إلا أن الأحداث بـ تنقلب رأسًا على عقب لما بـ يتم تحديد جيسي كشخص مطلوب قتله من قبل الـ CIA!

من هنا بـ يحصل التحول الجذري لما بـ نكتشف أن الشاب التافه المدمن على الممنوعات بـ يتميز بقدرة غير عادية على التصدي لهجمات الـ CIA القوية وعملائهم اللى ما يعرفوش الرحمة.. وبـ نبدأ مع الثنائي رحلة من الهروب ومحاولة الإجابة على التساؤل اللى بـ يطرحه الفيلم.. مين هو جيسي أيزنبرج بالضبط؟!

على الرغم من قوة الفيلم إلا أننا مش فاهمين إزاي يقبل أيزنبرج يقوم ببطولة فيلم زي ده بعد بطولته فيلم زي The Social Network والدور المعقد والمركب اللى قدمه أيامها في شخصية مارك زوكربرج مؤسس موقع الفيسبوك.. الحقيقة كنا متوقعين اختيار أفضل من كده بكثير من أيزنبرج واللى إحنا عارفين أنه فنان ذكي.

كريستين ستيوارت أدت دور كويس على قدر مساحة الشخصية اللى كانت المفروض أنها تلعبها.. وعدم الكشف عن شخصيتها الحقيقية إلا بعد منتصف الأحداث تقريبًا أضر كثير بقوة شخصيتها وتأثيرها في مجريات الأحداث.. ومرة ثانية حسينا أن اختيارها للدور بعد دورها في Twilight كان خطأ منها.. لكن برضه التنويع مطلوب في الشخصيات.

الحوار كان قوي ومتميز، خصوصًا فيما يتعلق بالجزء الرومانسي واللى ظهر متأخر شوية في أحداث الفيلم، وفي بداية الأحداث اتسم بالذكاء والميل للكوميديا بدرجة كبيرة، أما طبعًا مشاهد الأكشن والصراع المسلح أو حتى اليدوي فتم تنفيذه بقدرة متميزة بعيدًا عن مؤثرات الـ 3D أو المؤثرات الخاصة المبالغ فيها بشكل عام، وكل ده من أجل إنتاج فيلم بـ ينتصر لفترة التسعينيات وطبيعة أفلام المغامرة والأكشن اللى كنا بـ نشوفها أيامها.

American Ultra مش من نوعية الأفلام اللى بـ نلاقي كلام كثير نقوله عنها.. لكن الفيلم بـ يتكلم عن نفسه في دور العرض واللى للأسف ما تمش الإقبال على مشاهدته نتيجة المنافسة في أسبوع طرحه مع عدد كبير ومختلف من الأفلام اللى ممكن تكون سحبت البساط من تحته بعض الشىء، لكن في رأينا الفيلم يستحق المشاهدة لمحبي النوع ده من المغامرات والأكشن.

عجبك ؟ جرب

Unknown.

نصيحة 360

تقييم الفيلم 6.3 على موقع IMDB وشارك في الاستفتاء حوالى 15 ألف زائر للموقع.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح