The Definitive Guide to Living in the Capital , Cairo , Egypt

Amy

Amy: نهاية مأساوية لموهبة كبيرة

  • وثائقي
  • آسيف كابادياآسيف كاباديا
تم التقييم بواسطة
Mohamed Hamdy
قيم
قيم الآن
Amy: نهاية مأساوية لموهبة كبيرة

فى الفترة الأخيرة شوفنا أكتر من فيلم وأكتر من عمل فني بيناقشوا مشكلة الإدمان بشكل عام، وإدمان الكحوليات بشكل خاص، لكن المميز فى فيلم Amy أنه بيناقش القضية بشكل مكثف وعميق جدًا، كمان بيستمد أحداثه بشكل وثائقى من قصة حياة مطربة الجاز العالمية الشهيرة إيمي واينهاوس وإزاى سقطت تحت تأثير المخدرات والكحوليات لحد نهاية حياتها المأساوية.

من إخراج أسيف كباديا وبطولة الأشخاص الحقيقيين المحيطين بالمطربة البريطانية الراحلة عن عمر الـ 27 بنشوف أحداث فيلم وثائقى بيستعرض حياة  Amyوانتقالها من طفولة صعبة إلى مراهقة مرتبطة بالشهرة وتحقيق المجد فى عالم الموسيقى، مرورًا بمرحلة إدمان الكحول والتورط فى علاقات عاطفية خاطئة ومن ثم إدمان الكحول، وانتهاء بالنهاية المؤسفة فى يوليو 2011 لما لقوها ميتة فى بيتها بنسبة كحول تزيد 5 مرات عن المعدل الطبيعي.

الفيلم معتمد على عدد ضخم من الفيديوهات الحصرية واللى بتوضح حياة إيمي من الميلاد للنهاية، وبتورينا علاقتها بوالدها وتطورها وإزاي التفكك الأسري كان عائق كبير أمام إيمي علشان تعيش حياة طبيعية، وفى نفس الوقت كان عامل مساعد لها فى حياتها الفنية.. حتى أن إيمي فى أحد مشاهد الفيلم بتقول: "كان نفسى والدي يكون جنبي لوحده بعد محاولتي الانتحار، لكنه جاء بكاميراته وصحفييه وحواراته، كان بيبحث عن الشهرة".

الفيلم بيركز على العلاقات العاطفية اللى دخلتها إيمي، وإزاي وقفت بجوار حبيبها فى محنته وفى دخوله السجن، وإزاي هو تخلى عنها بعد إدمانها وقرر يبدأ حياته من جديد، كل الأحداث دي بنشوفها مع لقطات حصرية من الحفلات وتسجيلات الأغاني، وحتى مشاهد الفضائح على المسارح وظهورها مخمورة وعدم قدرتها على الغناء فى أحد الحفلات.

الفيلم غني بالمشاهد المهمة وبشكل عام بيستعرض قصة حياة حزينة لواحدة من أشهر مطربات جيلها، ويعتبر فيلم مثالى لمحبى المطربة البريطانية، أو لمحبى تتبع السير الذاتية لأهل الفن والغناء بشكل عام، كمان الفيلم يعتبر موعظة لكل شخص بيفكر يدمن أي شىء، بداية من السيجارة لحد المخدرات.

عجبك ؟ جرب

He named me Malala.

نصيحة 360

أهل إيمي واينهاوس أعطوا الفيلم عدد كبير من الفيديوهات الخاصة لإنتاجه.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح