The Definitive Guide to Living in the Capital , Cairo , Egypt

أفلام
Bad Moms

Bad Moms: مأساة بعض الأمهات في فيلم كوميدي

  • كريستن بيلميلا كونيس
  • كوميدي
  • في1 Cinema
تم التقييم بواسطة
Mohamed Hamdy
قيم
قيم الآن
Bad Moms: مأساة بعض الأمهات في فيلم كوميدي

الأم العزباء أو Single mothers مصطلح أصبح منتشر مؤخرًا خاصة فى الدول الغربية، وبيشير لفئة من الأمهات اللي خسرت أزواجها نتيجة الطلاق أو الموت أو أي سبب آخر، وبتقرر أنها تعيش حياتها من خلال ممارسة دور الأب والأم مع بعض في نفس الوقت.. أفلام كتير ناقشت الظاهرة دي بشكل جدي أو كوميدي، منها فيلمنا النهارده اللي قدر يجمع بين تيمة الـ Single Mother وتيمة السيدة اللي بتتنافس علشان توصل لمنصب مهم رغم صعوبة الوصول له.

الفيلم من بطولة ميلا كونيس، كريستين بيل، وكاثرين هان، من إخراج وتأليف سكوت مور، بنشوف قصة سيدة بتقوم بممارسة كل أعمال المنزل وتوصيل أولادها للمدارس والاهتمام بكل تفصيلة في الحياة الزوجية، بينما جوزها (مأنتخ) مابيعملش أي حاجة، ثم بتكتشف في أحد الأيام أنه بيخونها على الإنترنت من خلال علاقة الكترونية مع سيدة ثانية.. الأمر اللي بيوصل العلاقة بينها وبينه للانهيار، وبتبدأ تعيش حياتها كـ(أم عزباء) في مجتمع مابيرحمش ومابيقدرش الظروف الصعبة للآخرين.

النصيب الأكبر للكوميديا في الفيلم كان معتمد على المواقف الكوميدية اللي بتحصل طوال الوقت، لكن المواقف دي ماكانتش طبيعية في معظم الوقت وكانت مدبرة للكوميديا، زي مشهد انسكاب القهوة على وجه البطلة أو تطاير المكرونة على وجهها.. كلها مشاهد تحس أنها مش عابرة وتم تصميمها مخصوص علشان تكون كوميدية.. البعض ممكن يقول وإيه الغلط في ده؟ المفروض ده اللي بيحصل في كل الأفلام؟! ده حقيقي لكن المفروض المشاهد لا يشعر أن المشهد مُدبر.. وده لم نشعر به في الفيلم.

الموسيقى التصويرية والديكورات كان لها دور مهم في الأحداث، والموسيقى ساعدت على أننا لا نشعر بالملل طوال أحداث الفيلم اللي بتستمر على مدار حوالي ساعتين، لكن الحقيقة التركيز الأساسي في فيلم كوميدي مش بيكون على الموسيقى بقدر ما بيكون على الأداء التمثيلي وقدرة الممثلين على إضحاكنا، والحقيقة أن الفيلم كان فعلًا قادر على رسم البسمة على وجوهنا طوال الاحداث تقريبًا، لكن الربع الأخير من الأحداث كان بيفتقر للكوميديا على حساب خيط جديد حسينا أنه تم إقحامه على الأحداث وهو خيط محاولة البطلة الفوز في انتخابات المدرسة، وحسينا أن الفيلم بيحاول يسحبنا لخط مش خطه الأساسي، وصناع الفيلم فشلوا في رأينا في الموضوع ده ولو كانوا ركزوا على حياة البطلة بشكل عادي كان ممكن يكون الفيلم أفضل من كده.

Bad Moms على الرغم من اسمه اللي بيعطينا إيحاء أن الأمهات اللي فيه مش بيحبوا أولادهم وبيراعوهم، بيحكي عن قصة أمهات بيعملوا أي شيء علشان يشوفوا أولادهم أفضل.. كوميديا متميزة تستحق المشاهدة والتشجيع.

عجبك ؟ جرب

Sisters 2015

نصيحة 360

أحداث الفيلم تدور في مدينة شيكاجو بالرغم من تصوير الفيلم بأكمله في نيو أورليانز!

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح