The Definitive Guide to Living in the Capital , Cairo , Egypt

أفلام
Bastille Day

Bastille Day: أكشن متميز لكن نهايته؟!

  • إدريس إلباإدريس إلبا...
  • حركة ومغامرات
  • في1 Cinema
تم التقييم بواسطة
Mohamed Hamdy
قيم
قيم الآن
Bastille Day: أكشن متميز لكن نهايته؟!

لولا الربع الأخير وحالة (الأفورة) اللي دخلها الفيلم واللي أظهر فيها أبطاله بصورة الأبطال الخارقين، ولولا إصرار القائمين على الفيلم أنهم يعطوا الفيلم صبغة سياسية.. لولا الأمرين دول بس.. كان ممكن تقييمنا للفيلم يكون أفضل، واهتمامنا بيه يكون أكبر، وتفاعلنا معاه يكون أحسن.

من إخراج جيمس واتكينز وتأليف أندرو بالدوين، وبطولة ريتشارد مادين، وإدريس ألبا وكيلي ريلي، بيبدأ الفيلم بمشاهد افتتاحية لنشال محترف، بيكسب رزقه اليومي من نشل البشر في باريس، وبيع مستحقاتهم لتجار السوق السوداء. لكن القدر بيوقعه في مشكلة كبيرة لما بيسرق شنطة بنت منتسبة لمنظمة إرهابية هدفها خلق ثورة في فرنسا لدواعي الجريمة المنظمة.

القصة ممتازة وحيوية إلى أقصى درجة، وساعد السيناريو المحكم على إظهار عوامل قوة القصة والحبكة، على الرغم من أنها مكررة وشوفنا أفلام كتير زيها إلا أن زاوية تناولها كانت جديدة ومختلفة وقدرت تشدنا لمتابعة الأحدث من البداية للنهاية.. أمال إيه بالضبط اللي مضايقنا؟!

مضايقنا الجزء الأخير من الأحداث واللي حسينا فيه أن السيناريو مستعجل بشدة علشان يوصل لهدفه، حتي لو على حساب الأحداث أو المنطق العام، كمان حسينا بتوغل نظرية المؤامرة في القصة بشكل كبير، لكن في النهاية المشاهد العادي اللي عاوز يتفرج على فيلم أكشن حلو هيكون مبسوط.

الموسيقي التصويرية كانت ذكية وجميلة، وكانت معتمدة على مقطوعات من الأغاني بتشتغل من كاسيت عربية أو محل أو من أي عنصر من عناصر البيئة المحيطة بالأبطال في الفيلم، وده ذكاء وتناغم كبير من المسئولين عن الموسيقى في الصوت وكانت خطوة تحسب لهم، على العكس من الديكورات اللي ما كانش لها دور يذكر فى الفيلم وما حسيناش أن فيه مكان معين أو ديكور معين بيحسسنا بالراحة لما نشوفه… أو حتى يلفت نظرنا من الأساس!

أفضل كلام نختم بيه كلامنا أننا لو كنا بندور على فيلم أكشن ظريف وفيه مشاهد قتال يدوي ومطاردات كتيرة وغير ممل.. الفيلم ده هيكون قوي جدًا واختيارنا الأول.. أما لو كنا عاوزين نشغل مخنا شوية وندقق في تفاصيل الأحداث ونقيم كل حدث في الفيلم على أساس المنطق… الفيلم هيكون فيه ثغرات كتير بالنسبة لنا.

عجبك ؟ جرب

أي فيلم من سلسلة أفلام  Die Hard

نصيحة 360

كانت الممثلة (أديل إكسارشوبولوس) هي المرشحة الأولى للبطولة، وحلت محلها الممثلة (شارلوت لوبون) بسبب انشغالها بعمل آخر.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح