The Definitive Guide to Living in the Capital , Cairo , Egypt

أفلام
الجميلة والوحش – Beauty and the Beast 3D

Beauty and The Beast: عرض جديد بتقنية الـ 3D

  • أنجيلا لانسبوريبيج أوهارا...
  • ثلاثي الأبعادعائلي...
  • جاري تروسدالجاري تروسدال...
  • في1 Cinema
تم التقييم بواسطة
Mohamad Adel
قيم
قيم الآن
Beauty and The Beast: عرض جديد بتقنية الـ 3D

فكرة عرض
الأفلام الكلاسيكية لثاني مرة في دور العرض السينمائي حتى بعد عرضها على شاشة
التليفزيون علشان يكون فقط التجديد أنها بتقنية الـ 3D محتاج إعادة نظر.

Beauty And The Beast مش
الفيلم الكلاسيكي الأول اللي تحول للـ 3D، سبقها تجارب زي فيلم
Titanic والجزء الأول من فيلم
Star Wars، ده طبعًا بعد تقديم
التقنية الرائعة دي على يد المخرج الكبير الأمريكي جيمس كاميرون في فيلم Avatar.

كلامنا
عن روعة فيلم زي «Beauty And The Beast» مش محتاجة مقال قد ما محتاجة
دراسة كبيرة عن قصة الفيلم نفسها واللي بـ تدعو لاكتشاف مواطن الجمال الداخلي عن
الخارجي، وبالتالي برضه تحويل الأفلام الكلاسيكية بتقنية الـ 3D محتاج دراسة وإعادة نظر لطرح سؤال
مهم قوي: “هي أفكار المؤلفين والمبدعين انتهت عند مرحلة الأفلام الكلاسيكية؟

يعني ما بقاش فيه أي
أفكار جديدة نشوفها على شاشة السينما؟ الحقيقة كل ما بـ نتصور أن الإجابة بـ
“نعم”، نلاقي الأفكار الجديدة فجأة تطلع بسرعة، وده معناه ببساطة أن
صُناع السينما -تحديدًا المنتجين– يا إما عندهم إفلاس أو عندهم جشع لإعادة صناعة
نفس الأفلام بشكل مختلف.

طبيعي مش أي فيلم
يليق عليه تقنية الـ 3D، لكن ببساطة هـ نلاقي مليون فيلم جديد بنفس التقنية، في النهاية
الاستفادة أننا بـ نسترجع ذكرياتنا مع الأفلام دي، وعلى العموم بكرة الأيام هـ تُظهر
إذا كان صُناع السينما هـ يعيدوا نظر في اللي بـ يعملوه ولا العكس.

عجبك ؟ جرب

أفلام 3D عرضت في السينما زي: The Lion King.

نصيحة 360

فيلم «الجميلة والوحش» أول فيلم كارتون بشركة "ديزني" يُكتب له سيناريو كامل زي الأفلام الروائية الطويلة، وهو فيلم رسوم متحركة أمريكي، ضمن سلسلة الشركة للأفلام الطويلة، وهو أول فيلم كارتون تتجاوز إيراداته المائة مليون دولار، وحقق وقت عرضه عام 1991 مبلغ 403 ملايين دولار، مع ترشيحه لجائزة الأوسكار لفئة أفضل فيلم، ليكون فيلم الرسوم المتحركة الوحيد في التاريخ اللي يُرشح للجائزة دي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح