The Definitive Guide to Living in the Capital , Cairo , Egypt

أفلام المغامرات والحركة بـ نهتم بها اهتمام خاص، يمكن لقدرتها على جذب شرائح واسعة ومتنوعة من الجمهور، ومناسبتها لكل أفراد العائلة اللى يقدر الأب فيها يسيب أبناؤه يتفرجوا بأمان وهو واثق من استمتاعهم واستفادتهم فى نفس الوقت.

من إخراج كريستيان دوجواي وبطولة تشيكي كاريو وفليكس بوسيت ومارجوكس شاتلير وأربيان كانسيلر بـ نشوف قصة مأساوية عن تحطم طائرة بـ تقل أم بـ تستعد لاستقبال ابنها بعد غياب طويل، لكن الابن والجد بـ يقرروا البدء فى عملية بحث موسعة عن الأم، بالاستعانة بكلب مدرب ومحترف، وقادر على جذب اهتمام جميع المشاهدين على اختلاف أعمارهم.

بداية لازم نشيد بأسلوب التصوير الهادئ، الزوايا الواسعة للمشاهد والكادرات الجميلة والمناظر الطبيعية اللى أبدع المخرج فى استخدامها وإظهارها فى أحسن صورها، ولو عندنا أبطال بالإضافة للأبطال الرئيسيين للعمل هـ يكونوا هم المناظر الطبيعية والغابات الخلابة اللى ظهرت خلال أحداث الفيلم.

الأداء التمثيلي كان جيد جدًا، كل دور تم اختيار ممثل لأداؤه بعناية، لكن السيناريو الخاص بالأحداث كان بـ يشوبه بعض التقليدية، يعني كل شخصية كانت مرسومة فى السيناريو بـ تعمل دور معين ومش بـ تتحرك يمين أو شمال بعيدًا عنه، ما شوفناش Twist فى شخصيات الأبطال نفسهم بقدر ما شوفنا Twist فى الأحداث نفسها وده طبعًا مفهوم بالنسبة لفيلم مغامرات.

الموسيقى التصويرية كمان كانت جميلة ومتميزة، لكنها كانت "خافتة" شوية، بمعنى أنها كانت محتاجة تكون أسخن شوية، لأننا حسينا أنها كانت بـ تيجي عند المواقف المهمة وتختفى تمامًا أو تفضل محافظة على ارستقراطيتها الفرنسية المتحفظة، بدون أي قدرة على أنها تلاحق على الأحداث المتسارعة.

باختصار شديد Belle & Sebastian فيلم مغامرات وتشويق صالح للمشاهدة من كل أفراد الأسرة، كان هـ يبقى أقوى لو كانت بعض عناصر الفيلم المساعدة أكثر قوة وتركيز على خط سير السيناريو.