The Definitive Guide to Living in the Capital , Cairo , Egypt

Blackburn

BlackBurn: الطريق الأسهل والأفشل للرعب!

تم التقييم بواسطة
Mohamed Hamdy
قيم
قيم الآن
BlackBurn: الطريق الأسهل والأفشل للرعب!

أفلام الرعب اللي بنشوفها مؤخرًا أصبحت مرادف لأفلام المقاولات.. مجرد محاولات بائسة لإنتاج أفلام رخيصة من الناحية الإنتاجية في محاولة لتحقيق نجاح على صعيد الإيرادات في قاعات العرض، بالاعتماد بالمقام الأول على التقنيات الخاصة والمؤثرات الحديثة.

فيلم BlackBurn من إخراج لارو شارتراند، ومن بطولة ناتاشا بارون، ربيبكا هوسين، وآخرين، الفيلم بيحكي عن قصة مجموعة من الشباب بينطلقوا في رحلة لقضاء بعض الوقت الممتع في الغابات، من خلال الإقامة في كوخ أحد أصدقائهم، إلا أن الرحلة بتخرج عن المألوف لما بيضطروا أنهم ينحرفوا عن خط سيرهم للحصول على بنزين للسيارة، وبيقعوا في إيد مجموعة من السكان المحليين المختلين عقليًا واللي بيحاولوا يقتلوهم… وبتستمر الأحداث على نفس المنوال.

لو هنتكلم عن السيناريو هيكون من الإنصاف إننا نقول أن الفيلم كان ممتع في الربع الأول منه، خاصة المشهد الإفتتاحي للأحداث واللي قدر يسحبنا ويقنعنا بمواصلة المشاهدة، لكن المستوى الإخراجي لباقي الفيلم كان ضعيف جدًا وحسينا بملل كبير مع دخول أحداث الفيلم للمنتصف تقريبًا.

الفيلم في بنيانه بيعتمد على فكرة نمطية عن تعرض مجموعة متباينة من الشباب في سن المراهقة لمجموعة من الأحداث المرعبة، لكن الفيلم مش بيقدر يدخلنا في حياة الشباب دي قبل الواقعة، ومش بيخلق داخلنا أي نوع من التعاطف تجاههم، وكأن كل المطلوب هو تقديم أكبر قدر من مشاهد الرعب والدم، واللى بتزيد كميته في الربع الأخير من الأحداث.

الديكورات كانت متميزة والموسيقى التصويرية كمان كانت جيدة على الأقل في المرحلة الأولي من الفيلم، لكن المكياج والمؤثرات الخاصة كانت في أسوأ حالاتها، وحسينا في بعض المشاهد أننا بنشوف فيلم أطفال أكثر منه فيلم رعب!

إيه ثاني أسوأ شيء بعد المؤثرات الخاصة؟ الأداء التمثيلي اللي كان بيوصل في بعض الحالات لمرحلة من التهريج والهزل.. كل الممثلين تقريبًا كانوا بيحسسونا في كل مشهد أنهم بيمثلوا، ولم يظهر عليهم معالم الرعب أو الفزع الا في مشاهد قليلة.

BlackBurn فيلم رعب بننصح بمشاهدته للناس اللي بتحب أي فيلم رعب والسلام، أما لو كنتم بتدققوا في كل حدث وبتحللوا كل مشهد.. ننصحكم تنتظروا فيلم أقوى.

عجبك ؟ جرب

سلسلة أفلام Saw

نصيحة 360

تم تصوير الفيلم بالكامل فى 14 يوم فقط.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح