The Definitive Guide to Living in the Capital , Cairo , Egypt

Criminal Activities

Criminal Activities: ديجا فو الأفلام

  • جون ترافولتادان ستيفنز...
  • إثارةحركة ومغامرات...
  • جاكي إرل هيليجاكي إرل هيلي
تم التقييم بواسطة
Mohamed Hamdy
قيم
قيم الآن
Criminal Activities: ديجا فو الأفلام

الديجا فو ظاهرة علمية معروفة، نتيجة تأخير الدم للمخ لجزء من الثانية، بـ ينتج عنها شعور الإنسان أنه شاف المشاهد اللى بـ يشوفها حاليًا على أنها من الماضى.. أو كأنه شافها قبل كده.. ده كان نفس شعورنا وإحنا بـ نشوف فيلم اليوم! لكن المشكلة ما كانتش فى المخ.. المشكلة كانت فى الفيلم نفسه!

من بطولة وإخراج جاكي إيرل هاري وبطولة دان ستيفنز ومايكل بيت وجون ترافولتا، بـ نشوف قصة مجموعة من الأصدقاء بـ يتورطوا فى ضرورة رد خدمة لرجل مافيا فاسد، والخدمة عبارة عن اختطاف قريب أحد زعماء الجريمة المنظمة، علشان يبادلوه بقريبة زعيم المافيا!

على الرغم من أن القصة تبان صعبة ومعقدة، إلا أن طريقة إظهارها على الشاشة كان بسيط وسلس وتم بدون مشاكل أو إحساس "بالتوهة" من الأحداث، لكن شعور الديجا فو صادفنا لما بدأنا نحس أن الحبكة الأساسية للفيلم تايهة بين الحبكة الأساسية لأكثر من فيلم شوفناهم مؤخرًا زي Pain and Gain و Pulb Fictionوغيرها من أفلام الإثارة والأكشن.

الأسلوب الإخراجي فى الفيلم كان متميز على الرغم من محاولة المخرج تقليد نمط بعض المخرجين الكبار، لكن برضه كان له بصماته الإخراجية الواضحة ومن أبرزها حركة الكاميرا اللى كانت بـ تتبع البطل الرئيسي وتفضل ماشية معاه طوال الكادر، وهى بصمة إخراجية كانت ملازمة لحركة الكاميرا طوال أحداث الفيلم.

تقريبًا سيناريو الفيلم أصابنا بالملل خاصة فى الربع الأول من الأحداث لكن بعد كده الأحداث بدأت تتسارع بشكل أكثر سرعة وتشويقًا، لكن معدل ظهور جون ترافولتا كان غير متناسب بالمرة مع حجم صورته واسمه على الأفيش، ونعتقد أن استخدامه للفيلم كان لزيادة المبيعات من خلال الإيحاء للجمهور أن اسم نجم كبير مشارك فيه.

Criminal Activities فيلم جيد، لكنه لا يستحق تضييع الوقت والفلوس عليه فى السينما، وفى رأينا أن المشاهدين ممكن ينتظروا عرضه فى التليفزيون والقنوات الفضائية، مش هـ يفوتكم كثير لو عملتوا كده.

عجبك ؟ جرب

Pain and Gain.

نصيحة 360

الفيلم يعتبر أول إخراج للممثل جاكي إيرل هالي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح