The Definitive Guide to Living in the Capital , Cairo , Egypt

أفلام
Deepwater Horizon

Deepwater Horizon: فيلم عن التضحية والوفاء

  • جون مالكوفيتشدوجلاس إم جريفين...
  • دراما
  • بيتر بيرجبيتر بيرج
  • في1 Cinema
تم التقييم بواسطة
Mohamed Hamdy
قيم
قيم الآن
Deepwater Horizon: فيلم عن التضحية والوفاء

في 20 أبريل سنة 2010 شهدت الولايات المتحدة أكبر كارثة نفطية في تاريخها، وكانت واحدة من أسوأ حوادث التلوث في العالم، لما انفجرت منصة تنقيب عن النفط وقتلت حوالى 13 عامل، وأدت لتسرب ضخم لسه بيعاني خليج المكسيك من أثاره حتي اليوم. ليه بنقول الكلام ده؟ لأن الفيلم بيتناول الوقائع الحقيقية وراء حادث التسرب البشع.

فيلم Deepwater Horizon من إخراج بيتر بيرج، وبطولة مارك ويلبرج، كيت هدسون، وكيرت راسل، بنشوف قصة مايك وليامز رئيس وحدة مهندسي الإلكترونيات في منصة التنقيب عن البترول واللي تم تسمية الفيلم على اسمها، وإزاي قدر مايك يواجه الكارثة اللي حصلت ويخرج منها هو وباقي رجاله بسلامة نتيجة تضحيته وتفضيله حياتهم على حياته.

سيناريو الفيلم تجاهل الأثار الكارثية على البيئة والطبيعة، وأعطانا إيحاء أن مجرد خروج بعض العاملين بسلام من منصة التنقيب عن البترول كان بطولة وفداء، حتى أن العمال العاملين في مجال التنقيب عن النفط رفضوا الإحتفاء بالفيلم وقالوا أنه مش بيكرم أصدقائهم اللي ماتوا في الحدث بالشكل الكافي.

إخراج بيتر بيرج كان قوي وقدر يقدم مشاهد تحبس الأنفاس فعلًا، على الرغم من أنه جر رجل المشاهدين في مناطق كتيرة ممكن تكون مش مهمة لقطاع كبير منهم، وحاول يدخل كتير من المصطلحات المستخدمة في عالم التنقيب عن البترول، لكن على الرغم من كثافة المعلومات دي، لم تمنعنا من الاستمتاع بالأحداث.

الأداء التمثيلي للأبطال كان جيد، لكن السيناريو حكم على مارك والبرج الظهور بمظهر البطل الخارق والمضحي الأعظم اللي بيهتم بحياة الطاقم بتاعه أكثر من حياته، حتى إننا مش بنشوف علامات الذهول على وجهه مع بداية الكارثة -كإن المخرج كان قايل له على اللي هيحصل!- وزي ما قولنا السيناريو والإخراج حكموا عليه إن أداؤه يكون في المنطقة دي ومايسيبهاش.

المميز في الفيلم كانت الديكورات واللي عرفنا إنه تم إنشاء وحدة تنقيب عن النفط في لويزيانا في الولايات المتحدة مخصوص علشان يتم تصوير الفيلم فيها وتكون أقرب للحقيقة، كمان المؤثرات الخاصة لعبت دور مثالي علشان نعيش جو الأحداث بالضبط، وكان واضح أنها أهم كارت رابح بيراهن بيه المخرج على نجاح الفيلم اللي متصدر المرتبة الثانية في البوكس أوفيس الأمريكي.

فيلم Deepwater Horizon فيلم مغامرات متميز، لكنه اختصر الوقائع الحقيقية في فكرة الخروج من أكبر كارثة بيئية بأقل خسائر بشرية ممكنة.

عجبك ؟ جرب

The 33

نصيحة 360

الفيلم يعتبر ثاني تعاون بين كل من (مارك ويلبرج) و(بيتر بيرج).

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح