The Definitive Guide to Living in the Capital , Cairo , Egypt

Don’t Breathe

Don’t Breathe: فيلم رعب هيعجبك!

  • جين ليفايدانييل زوفاتو...
  • رعب
  • فيدي ألفاريز
تم التقييم بواسطة
Mohamed Hamdy
قيم
قيم الآن
Don’t Breathe: فيلم رعب هيعجبك!

ياترى هيكون إيه احساسك لو قولنا لك أن عصابة متخصصة في السرقة واقتحام المنازل قررت تسطو على رجل أعزل أعمى متقدم في السن ومقيم في منزله لوحده؟ النتيجة محسومة وأكيد هتشعر بالشفقة على الرجل العجوز اللي هيواجه أسوأ كوابيسه.. اللي شوفناه في الفيلم كان العكس تمامًا!

فيلم Don't Breathe من إخراج فيدي الفاريز، وبطولة سيرجيج أونوبكو، جاين ماين جرافيس، ودانيل زوفاتو، بنشوف قصة مجموعة من المراهقين بيقرروا سرقة منزل بيسكنه رجل أعمى وحيد.. الأحداث بتتطور لما بتكتشف المجموعة أن الرجل مش بالمسكنة اللي يبدو عليها، وأنه على الرغم من كونه أعمى إلا أنه قادر على إيقافهم عند حدهم.. مش كده وبس.. هو قادر على تحويلهم من مجرمين لمعدومي حيلة بيدوروا على أي طريقة للهرب!

نقدر بسهولة نصنف الفيلم كفيلم رعب نفسي بيلعب على فكرة الـ Plot Twist أو المفاجأة اللي بتقلب الأحداث رأسًا على عقب، على الرغم من تركيز الجزء الأخير من الفيلم على ما يسمى الرعب القائم بالمقام الأول على المشاهد المقززة والمخيفة.

الأداء التمثيلي للأبطال كان في قمة الروعة، ويكفي أننا نعرف أن سيرجيج أونوبكو كان بيلبس عدسات معتمة علشان مايشوفش حاجه أثناء التصوير بحيث يقدر يعيش الجو الحقيقي للأحداث، أما باقي الممثلين فكان أداؤهم متميز وكتم أنفاسنا فعلًا أثناء المشاهدة.

الموسيقى التصويرية لعبت دور مهم جدًا في الأحداث ونقدر نعتبرها البطل الثاني بعد الأبطال الممثلين، كمان الديكورات -على الرغم من قلتها- لكن نقلت لنا السياق الدرامي للأحداث بشكل متميز جدًا ويستحق التحية والإعجاب.

لو عاوزين فيلم رعب مستوي على نار هادية ماتفوتوش Don't Breathe لأن فيه كل مقومات فيلم الرعب المثالي الناجح.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح