The Definitive Guide to Living in the Capital , Cairo , Egypt

أفلام
Dumb and Dumber to

Dumb and Dumber To: كوميديا بنكهة التسعينيات!

  • جيف دانييلزجيم كاري...
  • كوميدي
  • بوبي فاريلليبوبي فاريللي...
  • في1 Cinema
تم التقييم بواسطة
Mohamed Hamdy
قيم
قيم الآن
Dumb and Dumber To: كوميديا بنكهة التسعينيات!

على الرغم من مرور 20 سنة كاملة، إلا أن المشاهدين لسه فاكرين جرعة الكوميديا المميزة فى الجزء الأول من فيلم Dumb and Dumber، الأمر اللى جعل إقبالهم على الجزء الثاني من نفس السلسلة متميز وملحوظ. لكن هل قدر صناع الفيلم تحقيق نفس النجاح فى الجزء الثاني؟

الحقيقة أن صناع الفيلم عملوا على تقديم نفس الأسلوب من الكوميديا على الرغم من مرور عشرين سنة، الموضوع ده كان له ميزة وعيب فى نفس الوقت، الميزة أن الجمهور اللى تفرج على الجزء الأول أحس بالحنين للماضى والرغبة فى مشاهدة نفس الأبطال اللى شافوهم من 20 سنة، أما العيب فـ تمثل فى أنه من المستحيل تقديم نفس الكوميديا بعد 20 سنة وتتوقع أنك هـ تحقق نفس النجاح والنجومية!

من إخراج بيتر فاريلي وتأليف بينيت يلين بـ نشوف جيم كاري (لويد) وصديقه جيف دانيلز (هاري) فى دور صديقين فى منتهى الغباء بـ تحطهم الأقدار فى مواقف فى منتهي التعقيد نتيجة غبائهم الشديد.

الفيلم بـ يبدأ أحداثه زمنيًا بعد مرور عشرين سنة من الجزء الأول، بـ نشوف جيم كاري فى مشاهد افتتاحية فى مصحة نفسية وبـ يقوم برعايته صديقه هاري بإخلاص لمدة عشرين سنة، وفى اليوم الأخير لما بـ يقرر هاري أنه يسيب صديقه ويتوقف عن زيارته، بـ يكتشف أن صديقه كان بـ يضحك عليه على مدار عشرين سنة وبـ يتظاهر بالمرض! الحيلة الذكية اللى استعملها القائمين على الفيلم لتبرير غيابهم لمدة عشرين سنة كاملة.

كعادة جيم كاري بـ نشوف كثير من المواقف الكوميدية المعتمدة على تعبيرات الوجه والجسد المبالغ فيها، أسلوب خاص بكاري نجح فى أدائه على مدار تاريخه الفني، المشكلة فقط فى أسلوب كاري العام أنه بـ يعتمد على كثير من الدعابات اللى ممكن يتم تصنيفها للكبار فقط أو أنها تحتوي على تلميحات جنسية أو حتى تلميحات مقرفة، وده اللى شوفناه فى مشاهد كثيرة فى الجزء الثاني.

بالإضافة لكثير من التلميحات فى المواقف الكوميدية، شوفنا مشهد المفروض أنه كوميدي، إلا أنه بـ يحمل قدر كبير من السخرية من العالم الكبير ستيف هوكينج، العالم اللى تم تطوير جهاز كمبيوتر مخصوص له علشان يقدر يتكلم ويتواصل مع العالم بعد إصابته بمرض نادر بـ يخليه غير قادر على الحركة أو الكلام، لكن هوكينج قدر يهزم مرضه ويقدم للعالم كثير من الإفادات على مستوى الأبحاث الفيزيائية، لكن فى مشاهد المؤتمر العلمي فى الفيلم بـ نشوف سخرية مستمرة من العالم الكبير من خلال مشهد هزلي بـ يظهر الشخصين الغبيين وهم بـ يتريقوا على شخص شبيه بستيف هوكينج، ونعتقد أن المشهد ده مش المفروض يمر مرور الكرام فى أوساط هوليوود.

بشكل عام نقدر نقول أن الجزء الثاني من الفيلم على الرغم من كونه فيلم كوميدي بشكل كبير، إلا أنه مش هـ يحقق نفس النجاح اللى حققه الجزء الأول، لأن الفارق كبير بين الكوميديا اللى بـ تقدمها فى 2014 وبين الكوميديا اللى بـ نقدمها فى 1994.

عجبك ؟ جرب

الجزء الأول من نفس الفيلم (1994).

نصيحة 360

أجر جيم كارى عن الفيلم وصل إلى 7 مليون دولار وهو أكبر أجر لبطل فيلم كوميدي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح