The Definitive Guide to Living in the Capital , Cairo , Egypt

Exposed

Exposed: جريمة غير مرغوب فى التحقيق فيها!

  • أنا دي آرمزكيانو ريفز...
  • إثارةحركة ومغامرات
  • دكلان ديلدكلان ديل
  • في1 Cinema
تم التقييم بواسطة
Mohamed Hamdy
قيم
قيم الآن
Exposed: جريمة غير مرغوب فى التحقيق فيها!

"بعض الجرائم يستحسن عدم التحقيق فيها"… هى دي الجملة اللى بيتخذها الفيلم شعار له، والحقيقة فى بداية مشاهدتنا لأحداثه كان عندنا شعور بالتساؤل.. ليه بعض الجرايم ما نحققش فيها؟ ليه ما يتمش إعلان الحقايق لكل الناس ورد الكرامة والاعتبار لكل إنسان برئ؟ هو ده السؤال اللى جاوب لنا الفيلم عليه بالتفصيل.

من إخراج جي ماليك لنتون وبطولة كيانو ريفز وكريستوفر ماكدون وميرا سورفينيو وآنا دي أرماس بنشوف جريمة قتل ضابط شرطة بشكل غامض.. طعنتين بسكين فى الظهر ومنظر بشع وتساؤل طوال الوقت.. مين مصلحته يعمل كده؟

كيانو ريفز بطل الفيلم هو شريك الشرطي المقتول، واللى بيدور طوال الفيلم على مين اللى من مصلحته قتل شريكه، لكن الإجابة على السؤال ما كانتش أبدًا بنفس سهولة طرح السؤال.

الشرطي القتيل كان متورط فى كثير من العمليات غير الشرعية، وكان له كتير من الأعداء اللى يتمنوا موته، بالتالى بيصحبنا الفيلم فى رحلة شائكة لمحاولة معرفة مين الجاني الحقيقي، وفى نفس الوقت بنشوف قصة حياة "آنا دي أرماس" البنت البريئة اللى بترتبط بجندي فى القوات المسلحة الأمريكية، واللى بيسافر العراق لمهمة قتال، وفى نفس الوقت بنشوف "آنا" واللى بتنحدر من عائلة متدينة، وبيحصل لها كتير من الأمور الخارقة للعادة، واللى بتحطها فى طريق التحقيق فى جريمة القتل.

الفيلم محتاج تركيز كبير فى مشاهدته، لأنه مش بيقدم الأجوبة بسهولة وبيسيب كل الأبواب مفتوحة أمام ذهن المشاهد، وللأسف بييجي الحل فى نهاية الأحداث تمامًا بعد ما يكون المشاهد مل من التطويل والغموض، لأننا زي ما إحنا عارفين أن معادلة الغموض فى أي فيلم لو طالت عن زمن معين بيبدأ المشاهد يحس بالتطويل والملل والزهد فى معرفة السر وراء الأحداث، وده اللى حصل لنا مع Exposed.

كيانو ريفز بيرجع بأداء قوي وحقيقي وقدر يقنعنا بدوره فى الفيلم، حتى فى اللحظات اللى كان بيقدم فيها انفعالات ميلودرامية كان قادر يقوم بدوره على أفضل ما يمكن، لكن أفضل مشاهد شوفناه فيها كانت مشاهد الاندفاع والغضب والعصبية، وقدر يوصل لنا شعوره فيها بالشكل الأمثل.

الجميلة آنا دي أرماس قدرت تعمل دور مهم وقوي، وخرجت بره شخصيتها الأصلية تمامًا وقدرت تقدم لنا شخصية بنت بتواجه تحديات صعبة، والحقيقة أننا مش قادرين نقرب أوي من تفاصيل دورها علشان ما نحرقش أحداث الفيلم، لكن الشخصية قوية والدور فيه تحدي كبير لها ولقدراتها التمثيلية.

الخدع السينمائية فى الفيلم كانت ضعيفة جدًا، ومش عارفين ليه تم الزج بخيط من أحداث ما وراء الطبيعة فى الفيلم، وده كان من الأمور السيئة جدًا فى الأحداث واللى حسستنا أن الفيلم بيحاول يسحبنا فى منطقة مش بتاعتنا، وبالتأكيد مش بتاعة القائمين عليه نفسهم.

Exposed فيلم قوي محتاج تركيز ودماغ رايقة فى مشاهدته، ومحتاج نفسية قوية مستعدة لتلقي الصدمات والمفاجآت اللى بيقدمها بعد شوية من الملل تسربوا لنا قرب نهاية الأحداث

عجبك ؟ جرب

Misconduct.

نصيحة 360

الفيلم يعتبر ثاني عمل مشترك بين الممثل كيانو ريفز والممثلة آنا دي أرماس بعد فيلم Knock Knock عام 2015.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح