The Definitive Guide to Living in the Capital , Cairo , Egypt

Furious 7

Furious 7: جزء جديد ملئ بالإثارة

  • بول واكرجيسون ستيثام...
  • إثارةثلاثي الأبعاد...
  • جيمس وانجيمس وان
تم التقييم بواسطة
Mohamed Hamdy
قيم
قيم الآن
Furious 7: جزء جديد ملئ بالإثارة

سلسلة أفلام Fast and Furiousكونت زبائنها من زمان خلاص.. الشباب العاشق للأكشن واللى بـ يحب يتابع آخر أخبار السيارات والموتورات وحركات الأكشن المعتمدة على الـ "دريفت" بسيارات السباق والسيارات المعدلة والبنات الجميلة بالبيكيني… كل الشباب دول كانوا حاجزين القاعة بالكامل، وقاعة كمان اكتملت بالفيلم، ومين يعرف كام قاعة ممكن تمتلئ بمحبى السلسلة اللى زاد عددهم مع الوفاة المفجعة للبطل بول ووكر.. فى حادث سيارة بسبب السرعة.. يا لسخرية القدر!

من إخراج جيمس وان، مخرج أفلام الرعب الشهير واللي قدم لهوليوود سلسلة أفلامSaw اللي حرمت ناس كثير من النوم، اعتمد في المشاهد الافتتاحية للفيلم على مشهد لـ جيسون ستاثام وهو بـ يفجر مستشفى كاملة، وبـ يتعهد بالانتقام من اللي أصاب أخوه بالشلل، وهم فريق أبطال الفيلم، واللى بدورهم عاوزين ينتقموا منه بأى شكل.. تيمة الانتقام هي أقرب وأسهل تيمة يمكن استخدامها في أفلام الأكشن، مش بـ تحتاج كثير من الوصف وبـ تفرغ القائمين على الفيلم للمهمة الأهم: الأكشن!

الإبهار والمؤثرات الخاصة كانوا الأبطال الحقيقيين للعمل، سيارات بـ تتحول لطائرات حقيقية وتطارد الطائرات فىيالجو! وسيارات بـ تنزل من طائرات علشان تطارد شاحنة على الطريق! والأروع: سيارة بـ تطير بين 3 أبراج في دبي.. سيارة ثمنها ممكن يقترب من ميزانية دولة صغيرة بـ تظهر لمدة دقائق على الشاشة قبل ما تتحول لتراب! هي دي هوليوود وهو ده مستوى الإنفاق المتوقع، لكن هل حبكة الفيلم كانت بنفس قوة الأكشن؟!

لأ.. زي ما قولنا الحبكة كانت معتمدة على تيمة الانتقام، مع أداء أحادي من فين ديزل وبول ووكر وكيرت راسل وبطولة نسائية كانت من نصيب ميشيل رودريجيز وجوردانا بروستر، أداء كان كل الغرض منه التواجد على الشاشة وتنفيذ نصيبهم من الأكشن المعقد، جدير بالذكر أن بعض مشاهد بول ووكر تم تخليقها باستخدام الجرافيكس! مع استخدام بعض الخدع التقليدية زي استعمال الدوبلير أو اختيار مشاهد ما يظهرش فيها وجهه بشكل واضح.

مشاهد دبي الخاصة بالفيلم كانت الأضعف والأسوأ على الإطلاق، مشاهد مكررة ومستهلكة وغير حقيقية.. رمال وصحراء وجمال ماشية على الطريق.. كلام مكسر بالعربي وحارسات لابسين الحجاب في إشارة واضحة للحرس النسائي الخاص بالقذافى! لو دي فكرة صناع واحدة من أكبر سلاسل أفلام الحركة في تاريخ هوليوود يبقى عليه العوض في صورتنا في عيون الآخرين! وقدرتهم على تحديث معلوماتهم عن المنطقة العربية!

Furious 7 جزء سابع قوي ومتميز من السلسلة الأشهر، كان ممكن يكون أفضل على مستوى السيناريو والحوار والحبكة، لكن فيما يتعلق بالأكشن؟ عشرة على عشرة.

عجبك ؟ جرب

باقى أجزاء السلسلة.

نصيحة 360

الفيلم معروف باسم ثاني يعتبر هو الأكثر شهرة وهو Fast & Furious 7.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح