The Definitive Guide to Living in the Capital , Cairo , Egypt

Get Hard

Get Hard: الغنى والفقر.. والسجن

  • أليسون بريتي أي...
  • كوميدي
  • إيتون كوهينإيتون كوهين
تم التقييم بواسطة
Mohamed Hamdy
قيم
قيم الآن
Get Hard: الغنى والفقر.. والسجن

جيمس كينج (ويل فاريل) مليونير أمريكي، حياته تقريبًا مثالية، سيارات على أحدث موديل، أحلى بنت فى المدينة هـ يرتبط بها، فلوس بالملايين مالهاش حصر من خلال تعاملاته مع البورصة واستثماراته اللى بـ يقوم بها لصالح حماه، الأوضاع بـ تتطور فى الفيلم اللى أخرجه وألفه إيتان كوهين لمرحلة غريبة، بـ يقع كينج فريسة لحيلة من والد زوجته وزوجته نفسها، ومن خلالها بـ يتم اتهامه بالتلاعب بأسهم البورصة وتضييع الملايين على المتعاملين فى أسواقها، بـ يتم سحبه للمحاكمة ومحاولة إقناعه بعمل تسوية مع المحكمة، إلا أنه بـ يصر على براءته لكن الحكم بـ يصدر ضده بالسجن، مع أعطاؤه مهلة 30 يوم قبل السجن لتسوية أوضاعه، من هنا بـ يبدأ كينج يحتاج لكيفن هارت، بسبب عمله فى غسل السيارات ولون بشرته السوداء، بـ يظن كينج أنه بالتأكيد دخل السجن قبل كده، ومن ثم بـ يطلب منه يساعده للتكيف مع حياة السجن، كيفن اللى عمره ما دخله أصلاً بـ يحاول يستغل الفرصة لكسب المزيد من المال من خلال إيهام كينج أنه مجرم عتيد وله سجل إجرامي خطير.

كنا متوقعين أن الكوميديا فى الفيلم تكون أقوى من كده شوية، إلا أنها جاءت فى مجملها معتمدة على الإيفيهات والتعبيرات الجنسية، بالإضافة لكثير من الإشارات والكلمات العنصرية خصوصًا ضد السود، وتبقى فى النهاية عدد قليل من المشاهد اللى كان بـ يحمل بصمة كوميدية حقيقية.

الأداء التمثيلي للأبطال كان كويس ومتناسب مع الطبيعة الكوميدية للأحداث، مش قادرين نقول مين تفوق على مين فيما يتعلق بالأداء السينمائى، لأن الفيلم يعتبر دويتو فى الأداء بين أبطاله، لكن بصفة عامة نقدر نقول أننا توقعنا المزيد من الكوميديا، أو حتى مستوى أكثر رقيًا من الكوميديا عن المستوى اللى ظهر لنا فى النهاية على الشاشة.

من الصعب أننا نتكلم عن الموسيقى التصويرية فى فيلم كوميدي لأنها مش بـ تحظى بنفس الاهتمام اللى بـ تحظى به الموسيقى فى فيلم درامي أو رومانسى على سبيل المثال، وده اللى حصل فعلاً مع الفيلم: لم يتم الاهتمام بالموسيقى التصويرية لكن تم الاهتمام بالديكورات وموديلات السيارات واختلاف المعيشة بين الرجل الأبيض الغنى والرجال الفقراء السود وغيرها من الإشارات اللى كان لها طابع كوميدي.

ما ضحكناش كثير مع Get Hard، وعلى الرغم من كونه فيلم كويس إلا أنه لا يستحق الدخول فى السينما، ممكن تنتظروا العرض فى الفضائيات.

عجبك ؟ جرب

Big Stan.

نصيحة 360

النجم الأسمر كيفن هارت بطل الفيلم قضى بالفعل عقوبة بالسجن لما كان فى سن المراهقة!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح