The Definitive Guide to Living in the Capital , Cairo , Egypt

Giraffada

Giraffada: علاقة الإنسان.. والحيوانات

  • محمد بكري
  • دراماسينما عالمية
  • راني مِصلحةراني مِصلحة
  • في1 Cinema
تم التقييم بواسطة
Mohamed Hamdy
قيم
قيم الآن
Giraffada: علاقة الإنسان.. والحيوانات

الحقيقة أن “مبادرة زاوية” لعرض الأفلام غير التجارية بشكل عام، وتقديمها لجمهور السينما التجارية العادية، من المبادرات اللى إحنا بـ نحترمها ونشجعها جدًا، لأن فى وسط النظر للسينما كمجرد أسلوب لإدرار الربح التجارى واللى بـ يدفع المنتجين لتقديم أفلام خالية من أى مضمون، من الرائع أننا نشوف ناس هدفها تقديم أفلام مختلفة لجمهور السينما، أفلام بـ ترتقى بالذوق وتشجع على السير على نفس الخطى.

بـ تدور أحداث الفيلم اللى من إخراج راني مصالحة عن طبيب بيطرى (صالح بكرى) اللى بـ يعيش مع ابنه الصغير سنة 2002 فى فلسطين، واللى بـ يهيأ له عمله فى حديقة الحيوان الوحيدة المتبقية فى فلسطين أن ابنه يتعلق عاطفيًا بزرافة جميلة ولطيفة، إلا أن الأحداث بـ تتطور وبـ تصاب فى أحد الغارات، الأمر اللى بـ يخلى الأسرة تدخل فى حالة بحث محموم عن زرافة جديدة لإنقاذ الزرافة الأنثى.

الفيلم بـ يقدم حالة متميزة على الصعيد الفنى، سواء الديكورات أو أماكن التصوير وزوايا وكادرات الكاميرا، كمان الموسيقى التصويرية كانت هادية ومتناسقة مع الأحداث، ممكن تكون اللهجة الفلسطينية فى الحوار كانت صعبة علينا فى البداية، لكن مع مرور الوقت بدأنا فى التعود عليها وإدراك مرادفاتها بسهولة.

إذا قلنا أن السينما العربية بشكل عام بـ تعانى من مشكلة العمل تحت ضغوط، سواء كانت مادية أو رقابية، فالسينما الفلسطينية بـ تشتغل تحت ضغط أكبر، ضغط سياسى واجتماعى قوى، بالتالى الأعمال اللى بـ تقدمها بـ يتم الاحتفاء بها على الأقل نقديًا كونها بـ يتم إنتاجها تحت ظروف استثنائية، الأمر اللى خلى فيلم زى Paradise Now أو (الجنة الآن) اللى تم إنتاجه سنة 2005 يتم الاهتمام به ويترشح للتنافس على جائزة أفضل فيلم أجنبى فى جائزة الأوسكار، ويحقق نجاح نقدي كبير. لكن هل بـ يتم الاهتمام بالنوعية دى من الأفلام على الصعيد التجارى؟

للأسف حتى الآن الإجابة هى “لأ”، لأن معايير تقديم أفلام للجمهور التجارى للسينما بـ تختلف بشكل كبير عن تقديم أفلام جماهيرية واسعة الانتشار وتحقيق الأرباح، وده اللى بـ نحاول نغير مفهوم الناس بخصوصه.

فيلم جيرافادا محاولة فلسطينية متميزة لتقديم أفلام قوية، نتمنى يتم الاهتمام بها أكثر من كده، وأملنا بدأ يتحقق جزء كبير منه بعد إطلاق مبادرة “زاوية” اللى بـ نتوقع لها النجاح والازدهار.

عجبك ؟ جرب

فيلم "وجدة".

نصيحة 360

الفيلم بـ يتم عرضه ضمن مبادرة "زاوية" وهى مبادرة لعرض الأفلام الوثائقية غير المتاحة لجمهور السينما من خلال سينما أوديون فى وسط البلد.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح