The Definitive Guide to Living in the Capital , Cairo , Egypt

أفلام
Gone Girl

Gone girl: ابحث عن المرأة فى أى جريمة!

  • بن أفليكتايلر بيري...
  • دراما
  • ديفيد فينشرديفيد فينشر
  • في1 Cinema
تم التقييم بواسطة
Mohamed Hamdy
قيم
قيم الآن
Gone girl: ابحث عن المرأة فى أى جريمة!

الفيلم بـ يبدأ باستعراض حياة الزوجين إيمي ونيك دون (بـ يقوم بدورهم بين افليك و روزموند بيك) ومقدار السعادة اللى بـ يعيشوا فيها، ثم بـ يبدأ الفيلم يأخد منحنى جديد مع اختفاء الزوجة وبداية جهود العثور عليها وتحقيقات الشرطة، التحقيقات اللى بـ تتجه طوال الوقت للشك فى الزوج كونه السبب فى اختفاء زوجته، وأنه قد يكون قتلها أو أخفاها لحساب علاقة خيانة بـ تجمعه بواحدة ثانية.

مش عاوزين نحرق أحداث الفيلم اللى بـ يمتد لحوالي ساعتين ونصف، قد يكون الملل تسرب لنا فى النصف الأخير من الفيلم بسبب معرفتنا ساعتها بالحبكة الرئيسية للأحداث، لكن الخيط الكوميدي البسيط اللى ظهر من خلال بعض المشاهد أعطانا بعض القدرة على المواصلة على الرغم من صعوبة الأحداث واحتياجها لمستوى عالي من التركيز.

الفيلم بـ يعتبر مباراة تمثيلية جريئة بـ يقوم بها بين افليك فى مواجهة روزاموند بايك، افليك اللى شوفناه مؤخرًا فى فيلم مميز تاني هو (ارجو) قدر أنه يسلم نفسه تمامًا للمخرج ديفيد فينشر اللى خرجه بصورة الزوج المستهتر الخائن ثم بدأ يقلب الصورة فى ذهن المشاهدين للعكس تمامًا فى نهاية الفيلم.

الديكورات والمشاهد الطبيعية وأسلوب التحكم فى المجاميع والتصوير من أعلى كانت من الأمور المميزة فى الفيلم، على العكس من الموسيقي التصويرية اللى حسينا أنها كانت محتاجه تكون أكثر تميزًا وقدرة على ادخالنا فى تفاصيل الفيلم.

Gone Girl من نوعية الأفلام اللى بـ نستمتع بها فى قاعة العرض، لكن مش بـ نقدر نتكلم أو نحكي عنها كتير، يمكن بسبب حالة الغموض اللى بـ تغلف الأحداث واللى مش عاوزين نحرقها عليكم لأنها الدافع الوحيد لدخول الفيلم، أو يمكن بسبب أن عناصر القوة والضعف فى الفيلم كانت مرتبطة بالأحداث دي إلى حد كبير، لكن كل اللي نقدر نقوله إننا بـ ننصحكم بالتركيز الشديد فى كل أحداث الفيلم، مش لازم بوب كورن المرة دي، وياريت لو تغلقوا الهواتف المحمولة (بجد) لأنها بـ تشتت تركيز المشاهدين لدرجة كبيرة.

يمكن آخر حاجه نحب نعلق بها على أداء روزاموند بايك هو التعليق اللى قاله أحد رواد السينما على أداءها لما قال بصوت عالى : (والله العظيم أنتِ ست مريضة!) الأمر اللى آثار ضحك المشاهدين رغم الأحداث اللى كانت نسبة الكوميديا فيها ضئيلة جدًا بسبب موضوع الفيلم.

عجبك ؟ جرب

Runaway Jury 2003.

نصيحة 360

الفيلم مأخوذ عن رواية للكاتب الأمريكي (جيليان فلين).

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح