The Definitive Guide to Living in the Capital , Cairo , Egypt

Grudge Match

Grudge Match: كوميديا الملاكمة

  • آلان أركينروبرت دي نيرو...
  • حركة ومغامراتكوميدي
  • بيتر سيجالبيتر سيجال
  • في1 Cinema
تم التقييم بواسطة
Mohamed Hamdy
قيم
قيم الآن
Grudge Match: كوميديا الملاكمة

يبدو أن تيمة استخدام نجوم هوليوود الكبار فى عمل أفلام بـ تظهرهم بشكل متقدم فى السن وبـ يجتمعوا مع بعض من أجل رحلة أو ماتش أخير أصبحت تيمة بـ نشوفها كثير مؤخرًا فى هوليوود، يمكن آخرها -وأحلاها- فيلم last Vegas واللى شارك فيه برضه روبرت دى نيرو بدور البطولة وكان بـ يتكلم عن مجموعة من الأصدقاء بـ يجتمعوا بعد تقدمهم فى العمر فى حفل زواج أحد أصدقائهم.

روبرت دى نيرو وسيلفستر ستالون ملاكمان قديمان، كل واحد منهم حقق انتصارات ممتازة، إلا أنهم لما قابلوا بعض فى حلبة الملاكمة كل واحد فيهم كسب مباراة واحدة من الثانى، ثم أعلن سيلفستر ستالون اعتزاله اللعب قبل تحديد موعد المباراة الفاصلة بين اللاعبين.

بعد مرور سنوات طوال ولاعتبارات كثيرة مش عاوزين نحرقها عليكم بـ يتم تحديد موعد للمباراة النهائية بين الرجلين بعد ما أصبحوا متقدمين جدًا فى السن، ياترى إيه اللى ممكن يحصل ساعتها؟!

ما ننكرش أن المخرج بيتر سيجال استغل وجود نجمين كبار معاه لعمل دعاية كبيرة للفيلم، وقدر يوظف أدائهم المتسم بالخبرة فى أحداث الفيلم، لكننا كنا متوقعين تركيز أكثر من كده فيما يتعلق بالجزء الخاص بالأكشن فى الفيلم، لكن يبدو أن العمر والحالة الصحية لنجوم الفيلم كانت بـ تخلى موضوع الأكشن ده صعب إلى حد ما.

الموسيقى التصويرية كانت متوافقة وفى نفس حالة الفيلم، لكن جاء أدائها بشكل عام فى المتوسط، أما الديكورات فـ كانت متميزة خصوصًا ديكورات صالة الملاكمة وكان فيه استعمال خفيف وذكى للمؤثرات الخاصة فى بعض المشاهد.

طبعًا بـ نشوف إسقاط على مشهد قديم لسيلفستر ستالون من سلسلة أفلام روكى لما كان بـ يتدرب فى قطع اللحم العملاقة فى محلات بيع اللحوم، بـ نشوف نفس المشهد من جديد لكن بإعادة كوميدية ساخرة أثارت ضحك المتابعين لسيلفستر ستالون من زمان.

Grudge Match فيلم خفيف وجميل وكوميدى جدًا لكن لو متوقع أنك هـ تدخله علشان تشوف سيلفستر ستالون وروبرت دى نيرو فى فيلم أكشن تقليدى يبقى لازم تغير فكرتك دى.

عجبك ؟ جرب

Last Vegas

نصيحة 360

البوستر وإعلان الفيلم قد يكونوا مراوغين ويعطوا إحساس أن الفيلم أكشن، لكن فى الحقيقة هو بـ يميل للتصنيف الكوميدى أكثر.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح