The Definitive Guide to Living in the Capital , Cairo , Egypt

Henri

Henri: قصة حب مختلفة

  • بيبو ديلبونوجاكي بيروير...
  • دراما
  • يولند مورويولند مورو
  • في1 Cinema
تم التقييم بواسطة
Mohamed Hamdy
قيم
قيم الآن
Henri: قصة حب مختلفة

مش هـ نتوقف أبدًا عن تشجيع ودعم مبادرة “زاوية”، المبادرة المنبثقة عن سينما راديو واللى بـ تعرض أفلام وثائقية وقصيرة وغير معروضة فى باقى دور العرض التجارية اللى مش بـ تهتم بأى شىء سوى تحقيق ربح مادي زيادة، بغض النظر عن نوعية الأفلام اللى بـ تقدمها.

من ضمن الأفلام اللى بـ تعرضها مبادرة زاوية حاليًا فيلم Henri، الفيلم الفرنسي البلجيكي اللى من إخراج وتأليف يولاند مورو ومن بطولة يولاند مورو، وبيبو ديلبونو وآخرين، بـ نشوف قصة رومانسية عن شخصين بـ تتشابك ظروف حياتهم ما بين مشاكل عقلية بـ تعانى منها البطلة، ومشاكل سلوكية (إدمان الخمور) بـ يعانى منها البطل. الأمر اللى بـ يأخذ الفيلم لمساحات مختلفة من الأحداث اللى مش عاوزين نحرقها عليكم.

ميزة نوعية الأفلام المستقلة أنها بـ تسلط الضوء بشكل أقوى وأعمق على العلاقات بين البشر، وبـ تغوص فى مساحات من المشاعر يمكن مش بـ يتم التطرق لها فى نوعيات أخرى من الأفلام، بـ نلاحظ فى الأفلام المستقلة أن فيها نقاء التجارب الأولى، ومساحة أكبر من الحرية للتجربة والانطلاق، بعيدًا عن التيمات الثابتة للأفلام التجارية البحتة اللى عارفه “من أين تؤكل الكتف” فى سوق السينما سواء فى مصر أو فى الخارج.

الموسيقي التصويرية من الأمور المهمة اللى ساعدتنا على الدخول فى الجو العام للفيلم والعيش مع الأحداث من البداية للنهاية، كمان الديكورات كانت من العوامل المهمة واللى عليها اعتماد كبير على نجاح الفيلم، لكن شعرنا فى بعض المشاهد ببعض الفقر فيما يتعلق بروح الديكور فى حد ذاته، أو شعرنا باستسهال من المخرج فى التطرق لبعض الديكورات اللى ما كانش فيها تجديد عن الصورة الأصلية فى دماغنا.

Henri مش أفضل فيلم مستقل ممكن نشوفه، لكن ممكن نعتبره استراحة هادئة فى طوفان الأفلام التجارية اللى بـ نشوفها كل يوم.. وشكرًا “زاوية” على مجهودها الثقافى المحترم.

عجبك ؟ جرب

Third person.

نصيحة 360

الفيلم بـ يتم عرضه ضمن مبادرة زاوية للأفلام الوثائقية والقصيرة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح